KAFEDRA TARIXI

I. “Oliy matematika” kafedrasi 1932-yildan boshlab faoliyat ko‘rsatib kelmoqda. Kafedrada O‘zbekiston Fanlar Akademiyasining akademiklari- T.N.Qori-Niyoziy, T.A.Sarimsoqov, professorlar- N.N.Nazarov. D.A.Grebenyuklar faoliyat ko‘rsatib, mutaxassislar tayyorlash ishiga munosib hissa qo‘shdilar.
1937-1956 yillar kafedra o‘qituvchilari jamoasi professor D.A.Grebenyuk rahbarligida o‘qitish ishlarini tashkil qilib, o‘quv-uslubiy qo‘llanmalar tayyorlashga alohida e’tibor berdi. Uning rahbarligida P.A.Barinkov va M.I.Semeryukov ishtirokida texnika o‘quv yurtlari uchun «Oliy matematika» darsligi yaratildi.
1956-1968 yillar kafedrani professor Y.K.Uzoqov boshqardi. Ushbu davrda kafedra a’zolarining ilmiy izlanishlari kengaydi. Dotsent T.J.Axmedov elektron hisoblash mashinalari yordamida matematik masalalarni yechish muammosiga bag‘ishlangan ilmiy-tadqiqot ishlarini muvaffaqiyatli olib bordi.
1968-1978 yillar kafedrani dotsent A.O.Alimov boshqardi. Bu davrda kafedra ikki mustaqil: “Oliy matematika” va “Amaliy matematika” kafedralariga bo‘lindi. «Oliy matematika» kafedrasiga 1978-1986 yillar professor B.M.Mardonov mudirlik qildi. 1986-1987 yillar kafedrani dotsent A.Tolametov, 1987 yildan
fizika-matematika fanlar doktori, professor N.Muhiddinov boshqardilar.
Professor N.Muhiddinov, dotsentlardan R.X.Tillashayxova, M.P.Chirkin,
A.Tolametov, D.M.Mirodilova, P.Z.Levina, A.T.Tojiboev, B.G.Masolov,
N.Muqimov, A.Mamatqulov, H.K.Abduraxmanova, katta o‘qituvchilardan X.Zuparova, A.Nizomxo‘jaev, Q.G‘.Ziyoev, K.Tajibaeva, Y.Karimova,
R.Olimjonova, G.X.Soliyeva, M.Atajonovalar “Oliy matematika”ni o‘qitishning turli masalalariga bag‘ishlangan 100 dan ortiq uslubiy ko‘rsatmalar yaratishdi va namunaviy hisoblash uslubiy ishlariga mualliflik qildilar.
1998-2010 yillar kafedraga t.f.d. professor A.Z.Mamatov mudirlik qildi. Bu davrda kafedra o‘qituvchilari talaba-yoshlarga Oliy matematika fanidan ta’lim berish bilan birga ilmiy-tadqiqot ishlari bilan shug‘ullandilar, o‘quv-uslubiy majmualar tayyorladilar, talabalarni oliy o‘quv yurtlariaro o‘tkaziladigan olimpiadalarga tayyorlash masalalariga ahamiyat berildi. A.Z.Mamatov 1999-yil Respublika “Iste’dod” jamg‘armasining “Yilning eng yaxshi o‘qituvchisi” tanlovida faxrli 2-o‘rinni egallashga sazovor bo‘ldi. 2010-2011 yillar institutda ilmiy ishlar bo‘yicha prorektor lavozimida faoliyat ko‘rsatdi.
2010-yildan kafedrani dotsent A.Q.Karimov boshqargan bo‘lsa, 2017-2020 yillar G‘.Jumaboev, 2020-yildan buyon kafedraga N.X.Sobirov mudirlik qilib kelmoqda.

II.“Muhandislik grafikasi” kafedrasi 1931-yilda tashkil topgan dastlabki kafedralardan biridir. Kafedraning birinchi mudiri dotsent H.S.Isoqov. 1935-1941 yillar kafedrada chizma geometriya fanining asoschilaridan biri bo‘lgan texnika fanlari doktori, professor M. Gromov rahbarlik qilgan. 1941-1945 yillar kafedra taniqli olim, oliy o‘quv yurtlari uchun “Chizma geometriya” fanidan yaratilgan asosiy darslik muallifi professor B.O.Gordon boshchiligida faoliyat ko‘rsatdi. 1946-1951 yillar kafedrani shu institutni birinchilardan bo‘lib tugatgan dotsent G.L.Shamshidov boshqardi. 1951-1977 yillar kafedrani boshqarish uchun professor M.Gromovning shogirdi va safdoshlaridan biri dotsent Y.Qirg‘izboyev faoliyat olib bordi. Shu davr ichida katta ilmiy - uslubiy ishlar qilindi. Y.Qirg‘izboyev “Chizma geometriya”, “Chizmа gеоmеtriyadаn mаsаlаlаr to‘plаmi” fanidan birinchi bo‘lib o‘zbek tilida o‘quv qo‘llanmalarini yaratdi. Uning rahbarligida bir guruh mualliflar bilan “Mashinasozlik chizmachilik kursi” o‘quv qo‘llanmasi yaratildi.
1977-yildan boshlab 27 yil davomida kafedraga dotsent E.Sobitov mudirlik qildi. Bu davrda talabalarga mukammal bilim berish, o‘qitish jarayonini takomillashtirish, zarur o‘quv-uslubiy qo‘llanmalarni tayyorlash, mutaxassislik va turdosh kafedralar bilan hamkorlikda ish olib borish, iste’dodli talabalarni qo‘llab-quvvatlash masalalarga e’tibor kuchaytirildi. 2004-2005 yillar kafedrani p.f.n., dotsent N.I.Hurboyev, 2005-yildan esa dotsent S.A.Davletov boshqardilar. 2011-2013 yillar kafedrani t.f.n, dotsent
S.Z.Yunusov, 2013-2018 yillar dotsent А.А. Karimov, 2018-2022 yillar PhD, dotsent O.A.Ortiqovlar boshqarib kelgan. Ushbu davr mobaynida kаfеdrа o‘qituvchilаri tоmоnidаn kаfеdrа fаnigа оid 10 ta o‘rtа mахsus vа оliy mаktаblаr uchun yarаtilgаn kitоblаr o‘zbеk tiligа tаrjimа qilingаn va o‘quv jаrаyonini tаkоmillаshtirish vа kаfеdrаdа o‘qitilаdigаn fаnlаrdаn grаfikаviy ishlаrni bаjаrishgа оid uslubiy ko‘rsаtmаlаr vа qo‘llаnmаlаr yozishgа kаttа e’tibоr bеrilgan.
Kafedrada har o‘quv yilida talabalarga “Muhandislik va kompyuter grafikasi” fanining “Chizma geometriya”, “Mashinasozlik chizmachiligi” va “Kompyuter grafikasi” qismidan darslar olib boriladi.

KAFEDRA FAOLIYATI

Kafedrada 1 nafar professor, 7 nafar dotsent, 5 nafar katta o‘qituvchi va 6 nafar assistent faoliyat olib bormoqda. Kafedrada 5 ta fan mavjud bo‘lib, institutning barcha texnik ta’lim va iqtisod yo‘nalishlariga dars mashg’ulotlari olib boriladi. Kafedrada o‘quv jarayonini olib borish uchun, 5 ta ma’ruza, 6 ta amaliy mashg‘ulotlar uchun auditoriyalar mavjud. 4 ta interaktiv doska, 8 ta proyektor, 23 ta kompyuter va 9 ta printer professor-o‘qituvchilar uchun xizmat ko‘rsatadi.
KAFEDRA YUTUQLARI
Kafedra professor-o‘qituvchilari tomonidan keyingi yillarda 8 ta patent, 250 dan ortiq DGU olingan. Kafedrada soha ishlab chiqarish korxonalari boshqaruvi bilan bog‘liq muammolarni yechish bo‘yicha salmoqli ishlar amalga oshirilmoqda. Bu borada kafedra ilmiy izlanuvchilari tomonidan Tursunov Ikrom Eshpo‘latovich Falsafa fanlari doktori unvonini olish uchun “Elektron ta’lim muhitida bo‘lajak muhandislarning kasbiy tayyorgarligini takommillashtirish” mavzusidagi ilmiy ishini 2023–yil himoya qildi. Kafedra PhD assistenti Karimboyev Djasur Raximberganovich “Paxtani barabanli quritgichga quritish agentini radial kiritish usulini qo‘llab texnologik jarayonini takomillashtirish” mavzusidagi ilmiy ishini 2024–yil himoya qildi.
Kafedra a’zolari N.Sabirov, A.Mamatov, X.Abduraxmanova, A.Tangirov, X.E.Xalilova, F.A.Abduraximovalarning 2024-yil mobaynida Scopus Xalqaro bazasida maqolalari chop etildi.
Professor–o‘qtuvchilar tomonidan hozirgacha 8 ta darsilk, 12 ta o’quv qo‘llanma, 5 ta monografiya, 150 dan ortiq o‘quv-uslubiy ishlar nashr qilinib, 500 dan ortiq ilmiy maqola va tezislar Respublika hamda xorijiy jurnallarda chop etilgan.