Aniq va tabiiy fanlar kafedrasi

Ulukmuradov Abror Nafasovich

Kafedra mudiri

Manzil: Toshkent shahri Shohjahon ko‘chasi 5-uy

E-pochta: a.ulukmuradov@ttysi.uz

Telefon: +998-97-490-30-72

O'qituvchilar: 40

Murojaat yuborish

O'zi haqida ma'lumot

Ulukmuradov Abror Nafasovich Tug‘ilgan sanasi. 1972-yil, 17 fevral; Fizika-matematika fanlari bo‘yicha (PhD); Bitirgan ta’lim muassasi 1990-1995 yillarda Toshkent viloyat davlat pedagogika institute (5 yillik), 2006-2010-yillarda Toshkent to‘qimachilik va yengil sanoat instituti (bakalavr, Menegment) O‘zi haqida qisqacha ma’lumot A.N.Ulukmuradov 1972-yil, 17 fevral, Samarqand viloyati Katta-qo‘rg’on tumanida tavallud topgan. Ma’lumoti – tugallangan oliy. 1990 yilda Toshkent viloyat davlat pedagogika institutiga o‘qishga kirib, 1995 yilda tugatgan. 2006-2010-yillarda (Sirtdan) Toshkent to‘qimachilik va yengil sanoat institutining “Menejment” ixtisosligi bo‘yicha ikkinchi oliy ma’lumotni olgan. A.N.Ulukmuradov о‘z mehnat faoliyatini 1995-2000 yillarda Samarqand viloyatida maktab о‘qituvchisi lavozimida boshlagan. 2000-2021 yillarda Toshkent to‘qimachilik va yengil sanoat institutida katta laborant, assistent, katta о‘qituvchi, dekan о‘rinbosari lavozimlarida ishlagan. 2017-2019, 2021-2024 yilllarda institutning “Fizika va elektrotexnika” kafedrasi mudiri, 2024-2025 o‘quv yilidan, “Fizika va elektrotexnika” va “Kimyo” kafedralari negizida tashkil topgan “Tabiiy fanlar” kafedrasi mudiri lavozimida ishlab kelmoqda. A.N.Ulukmuradov 2021 yilda O‘zR FA U.A. Aripov nomidagi Ion-plazma va lazer texnologiyalari instituti huzuridagi ilmiy darajalar beruvchi DSc.02/30.12.2019.FM.65.01 raqamli Ilmiy kengash qoshidagi 01.04.04.– Fizik elektronika ixtisosligi bo‘yicha nomzodlik dessertatsiyasini yoqladi. 2023 yilda Rossiya Federatsiyasining Kostroma davlat universitetida ilmiy-amaliy stajirovka о‘tagan.

A.N.Ulukmuradov 50 dan ortiq ilmiy-uslubiy ishlarni e’lon qilgan, shulardan: 3 ta darslik, 3 ta o‘quv qo‘llanma; 24 ta o‘quv-uslubiy qo‘llanmalar chop qilingan. 1 ta monografiya, 1 ta patent, 3 DGU muallifi, 15 ta Web of Science, Scopus kabi impakt faktori yuqori xalqaro ilmiy jurnallarda maqolalari chop etilgan. Kafedrada rahbarlik qilayotgan oxirgi uch kalendar yilida ilmiy salohiyat 15% dan 55% gacha о‘sishiga erishildi. Kafedraning moddiy-texnik fondi va laboratoriya bazasi tubdan yangilandi.

A.N.Ulukmuradovning tashabbusi bilan, 2020 yildan kafedraga zamonaviy yangi fanlar “Nanomateriallar fizik mexanikasi” va “Nanoelektronika elementlari va qurilmalari” fanlari kiritildi. Hozirda mahalliy OTM larning tegishli kafedralari va Rossiya Federatsiyasi Kostroma davlat universitetining “Umumiy va nazariy fizika” kafedrasi bilan hamkorlik shartnomalari imzolashga erishildi.

A.N.Ulukmuradov institut va fakultetning, shuningdek, O‘zbekiston Respublikasi Oliy ta’lim, fan va innovatsiyalar vazirligining diplomlari bilan taqdirlandi. 2023-yilda O‘zbekiston Respublikasi Vazirlar Mahkamasi huzuridagi Oliy attestatsiya komissiyasi tomonidan unga “Dotsent” ilmiy unvoni berildi.

KAFEDRANING MAQSADI

Kafedraninng asosiy maqsadi, ta’lim, ilm-fan va innovatsiyani bir butun jarayon sifatida rivojlantirish, ta’lim sifatini xalqaro standartlarga mos darajada ta’minlash hamda jamiyat taraqqiyotiga munosib hissa qo‘shadigan yuqorimalakali mutaxassislarni tayyorlashdir.

KAFEDRA HAQIDA

“Aniq va tabiiy fanlar” kafedrasi, “Tabiiy fanlar” hamda “Oliy matematika” va muhandislik grafikasi” kafedralari negizida 2025 yilda tashkil topgan. Kafedrada 41 nafar professor-oʼqituvchi faoliyat olib boradi. Kafedraning ilmiy salohiyati 55 % ni tashkil etadi. Jumladan 4 nafar fan doktorlari-professorlar, 23 nafar fan nomzodi (PhD), 2 nafar dotsent, 6 nafar katta o‘qituvchi, 10 nafar assistent hamda 4 nafar o‘quv yordamchi xodimlar (laboratoriya mudiri, laborantlar) pedagogik faoliyat olib bormoqda.

Kafedrada sohadagi ishlab chiqarish korxonalarini boshqarish bilan bog‘liq ilmiy ishlar olib borilmoqda. Shu yo‘nalishda kafedrada ximiya fanlari doktori, professor A. S. Rafikov rahbarligi ostida «Polimer chiqindilarini qayta ishlash orqali foydali kimyoviy moddalar va maishiy buyumlar olish usuli» ishlab chiqilgan. Ximiya fanlari doktori, dotsent B. X. Islamov rahbarligida esa “Tabiiy tola chiqindilarini qayta ishlash usuli” yaratilgan. Kafedra faoliyatining asosiy ilmiy yo‘nalishlaridan biri, professor I. Yadgarov tomonidan asos solingan “Nanomateriallar tuzilishini kompyuterda modellash” hisoblanadi.

Professor–o’qtuvchilar tomonidan hozirgacha 12 ta patent, 15 ta darsilk, 14 ta o'quv qo‘llanma, 10 ta monografiya va 175 dan ortiq o‘quv-uslubiy ishlar tayyorlangan. 800 dan ortiq ilmiy maqola va tezislar Respublika hamda xorijiy jurnallarida chop etilgan.

Institutning ustuvor vazifalarini amalga oshirish bo‘yicha ish rejasiga muvofiq, kafedra ta’lim va ilmiy faoliyatni takomillashtirish ishlarini davom ettirmoqda. Bu faoliyat o‘quv va ilmiy ish samaradorligini sezilarli darajada oshirishni ta’minlaydigan innovatsion texnologiyalar prinsiplariga asoslanadi.

Kafedra O‘zbekiston Respublikasi Fanlar akademiyasi Polimerlar kimyosi va fizikasi instituti, U.A.Aripov nomidagi Ion-plazma va lazer texnologiyalari instituti, Toshkent davlat texnika universiteti hamda boshqa oliy ta’lim muassasalari bilan yaqin hamkorlik aloqalarini yo‘lga qo‘ygan. Kafedra o‘qituvchilari ilmiy-amaliy va uslubiy anjumanlar hamda seminarlarda muntazam ishtirok etib kelmoqdalar.

KAFEDRA YUTUQLARI

Kafedrada professor A.S.Rafikov va ilmiy izlanuvchilar hamkorligida “Polimer chiqindilarni ekologik tamoyillar asosida kompleks qayta ishlashning ilmiy va amaliy asoslari” mavzusidagi qiymati 3 mld 932 mln 015 ming so‘mlik fundamental ilmiy loyiha olindi.