KAFEDRA TARIXI

“Charm va poyabzal muhandisligi” kafedrasi 1969-yil Tikuv texnologiyasi kafedrasining bo‘linishi asosida tashkil topgan, ammo mutaxassislik 1961-yilda ochilgan (kechki o‘quv shakli asosida). Mazkur mutaxassislik bo‘yicha ilk bor birinchi diplom himoyalari 1967-yilda bo‘lgan. Kafedraga 1969-1979 va 1988-1990 yillar dots. S.H.Husnitdinov, dots. A.A.Haydarov (1979-1986, 1990-1994), dots. V.K.Makarichyeva (1986-1988), prof. S.S.Maksudov (1994-1996), prof. H.K.Tursunov (1996-2002, 2007-2008), dots. K.I.Abulniyozov (2002-2006, 2008-2010), dots. A.A.Haydarov (2011). dots. N.B.Mirzayev (2011, 2019-2021). dots. A.Yu. Toshev (2011-2018) dots. A.M. Djurayev (2018-2019), dots. D.Z.Pazilova (2021-2024) rahbarlik qilgan. Hozirgi davrda prof. A.Y.Toshev kafedra mudiri sifatida faoliyat yuritmoqda. “Charm buyumlarni konstruksiyalash texnologiyasi” mutaxassisligi bo‘yicha O‘zbekiston oliy o‘quv yurtlari orasida tayanch kafedra hisoblanadi. 2024-2025 o‘quv yilida “Charm buyumlarini konstruksiyalash va texnologiyasi” kafedrasi “Charm va poyabzal muhandisligi” kafedrasi deb nomlandi.

KAFEDRA FAOLIYATI

2024-yildan mudirlik vazifasida dotsent prof. A.Y.Toshev faoliyat olib bormoqda. Hozirda kafedrada 5 nafar professor, 8 nafar dotsent, 2 nafar katta o‘qituvchi, 10 nafar assistent o‘qituvchilar pedagogik faoliyat hamda o‘z ilmiy va amaliy izlanishlarini olib bormoqdalar. Kafedrada “Antropologiya”, “Poyabzal korxonalarini loyihalash”, “Poyabzal korxonalari jihozlari”, “Charm buyumlari loyihalashni avtomatlashtirish”, “Charm buyumlari ishlab chiqarish jarayonlarining asoslari”, “Charm buyumlari ishlab chiqarish jarayonlarini kimyolashtirish”, “Charm buyumlar teхnologiyasi”, “Charm buyumlarni konstruksiyalash”, “O‘quv ustaхonasi”, “Charm va mo‘yna xomashyolariga dastlabki ishlov berish”, “Charm va mo‘yna jarayonlari apparatlari”, “Oqsillar texnologiyasi”, “Tarmoq kimyoviy materiallari”, “Charm va mo‘ynani pardozlash”, “Charm va mo‘yna teхnologiyasi” va “O‘quv laboratoriyasi” fanlari bakalavr talabalariga o‘qitiladi. Magistr talabalari uchun kafedra “Charm buyumlari texnologik jarayonlari va operatsiyalar jihozlari”, “Charm buyumlari texnologiyasi nazariy asoslari”, “Charm buyumlarini konstruksiyalash nazariyasi va hisobi”, “Charm, mo‘yna kimyoviy texnologiyasi va jarayonlari”, “Charm-mo‘ynani pardozlash va dizayn”, “Chiqindilar va ularni qayta ishlash”, “Mahsulotlar sifatini boshqarish”, “Sanoat ikkilamchi resurslari va ularni qayta ishlash”, “Texnik nazorat va sifatni boshqarish”, “Texnologik jarayonlar va jihozlar” va “Charm buyumlarni dizayn loyihalash” fanlari o‘qitiladi. Kafedrada Institut Oliy ta’limdan keyingi ta’lim institutiga 05.06.03 “Teri, mo‘yna, poyabzal va teri-galantereya buyumlari texnologiyasi” yo‘nalishi bo‘yicha qabul qilingan 8 nafar doktorantlar biriktirilgan.

2019-yil Belorussiya Respublikasidagi Vitebsk Davlat texnologiya universiteti bilan hamkorlik o‘quv dasturi tuzildi. O‘qitish shakli–sirtqi. O‘zbekiston Respublikasida 5320900-“Yengil sanoat buyumlari konstruksiyasini ishlash va texnologiyasi (charm va mo‘yna buyumlari)” yo‘nalishi va Belorussiya Respublikasida 1-50 02 01 “Ustki kiyim va poyabzal va charm attorlik buyumlari” mutaxassisligini 1-500201 02 “Charm buyumlarini konstruksiyalash va texnologiyasi” ixtisosligi bo‘yicha qo‘shma dastur ishlab chiqildi. O‘qish davomiyligi 5 yil- 2 yil O‘zbekistonda, 2 yil Belorussiyada va yakunlovchi 1 yili O‘zbekistonda (2+2+1). Zamonaviy ishlab chiqarish talablariga javob beradigan loyihalashning ilg‘or usullarini mukammal biladigan mutaxassislarni tayyorlash maqsadida kafedrada Buyuk Britaniyaning “Crispin” poyabzalni avtomatik loyihalashtirish sistemasi bilan jihozlangan CAD/CAM laboratoriyasi mavjud. Kafedrada davlat grantlari asosida barpo etilgan o‘quv laboratoriyasi mavjud bo‘lib, bu laboratoriyada professor-o‘qituvchilar hamda talabalar ilmiy-tadqiqot ishlarini olib borishadi. Talabalarning nazariy olgan bilimlarini amaliy jihatdan mustahkamlash uchun kafedra qoshida “Workmanship” ishlab chiqarish laboratoriyasi faoliyat ko‘rsatmoqda. Kafedrada o‘qish davomida poyabzal va charm-attorlik mahsulotlarini loyihalashning zamonaviy uslublari, ularni badiiy bezash va ishlab chiqarish texnologiyalarini o‘rganadilar.

KAFEDRA YUTUQLARI

Jadal sur’at bilan rivojlanayotgan yengil sanoat korxonalari professor-o‘qituvchilarni ilmiy va uslubiy salohiyatini, malakasini oshirib kelmoqda. Kafedra a'zolari Rossiya, Ukraina, Belorussiya, Belgiya, Gresiya, Italiya, Turkiya, Ruminiya, Hindiston, Germaniya, Buyuk Britaniya, Qirgiziston, Qozog‘istonning turdosh oliy o‘quv yurtlari bilan bevosita aloqalar o‘rnatgan, doimiy ilmiy nashrlar bilan almashuv o‘rnatgan, mazkur OO‘Ylariga professor-o‘qituvchilar malaka oshirish uchun yuboriladilar, stajirovka, ilmiy-amaliy va uslubiy konferensiya va seminarlarda qatnashadilar. Mustaqil respublikamizda yengil sanoatga kirib kelayotgan yangi texnologiya va jihozlar kafedra professor-o‘qituvchilarini dolzarb bo‘lgan ilmiy-tadqiqot ishlarni olib borishga undamoqda. Charm buyumlar texnika va texnologiyasi muammolari bo‘yicha katta ishlar amalga oshirilmoqda. Shuningdek, kafedrada o‘tgan yillar davrda Davlat byudjeti asosida bir necha million so‘m miqdorida ilmiy tadqiqot ishlari olib borildi. Ilmiy izlanishlar natijasida qator maqolalar chop etildi va ixtirolar uchun guvohnomalar olindi. Kafedrada hozirgi kunda Yevropa Ittifoqining ERASMUS+ dasturi “О‘zbekiston-Qozog‘istonda charm va charm- attorlik buyumlari ishlab chiqarishni innovatsion rivojlantirish - REILEAP” mavzusidagi va “О‘zbekiston-Qozog‘iston to‘qimachilik sanoatining kelajagi – TEX4FUTURE” mavzusidagi loyihalar bajarilmoqda. Kafedra Respublikamizning bir qator poyabzal ishlab chiqarish qo‘shma korxonalari "Nafis" Respublika poyabzal modellar uyi, "Poyabzalchi", “BLACKSTONE”, “TO'RT FASL FAYZ”, “M88”, “ART Caravan”, “THE BLACK QUAIL”,“Go'zal biznes plyus”, “SADIKOV O.N.”, “ULKAN-LAZIZ”, ‘OSIYO CHARM FAYZ”, “TABIIY CHARM”, QK “TMT” va bir qator kichik korxonalar bilan innovatsion hamkorlik ish olib boradi.
Kafedraning hozirgi kunda 2 ta ishlab chiqarish korxonalarida filiallari mavjud bo‘lib. Bular: MCHJ “Umid Fashion Grant”, MCHJ “CHARM POYABZAL INVEST”.

BAKALAVRIAT TA'LIM YO'NALISHI:

60721200 - Yengil sanoat buyumlari konstruksiyasini ishlash va texnologiyasi (charm buyumlarida innovatsion texnologiyalar);
60721200 - Yengil sanoat buyumlari konstruksiyasini ishlash va texnologiyasi (charm va mo‘yna sanoatida innovatsion texnologiyalar) ta’lim yo‘nalishlarida tahsil olayotgan bakalavriatura talabalariga ta’lim berib kelmoqda.

MAGISTRATURA MUTAXASSISLIGI:

70720707 - Yengil sanoat texnologiyalari va jihozlari magistratura mutaxassislida tahsil olayotgan magistratura talabalariga ta’lim berib kelmoqda.