Oliy matematika va kompyuter grafikasi kafedrasi

Sabirov Nizambay Xayitbayevich

Kafedra mudiri

Manzil: Toshkent shahar shohjahon ko’chasi, 5 uy

E-pochta: Sabirov@ttysi.uz

Telefon: +998 97-774-60-70

O'qituvchilar: 18

Talabalar:

Murojaat yuborish

O‘zi haqida ma’lumot

Sabirov Nizambay Xayitbayevich 1973-yil 15-fevralda Xorazm viloyati Qo‘shko‘pir tumanida tug‘ilgan. 1991-yilda Toshkent davlat universitetiga o‘qishga kirib, 1996-yilda tugatgan. 1991-1996-yillarda Toshkent davlat universitetining matematika fakultetida muvaffaqiyatli o‘qigan. 1996-yildan Toshkent to‘qimachilik va yengil sanoat institutida assistent, katta o‘qituvchi, ma’naviy-ma’rifiy ishlar bo‘yicha dekan muovini, Informatika va axborot texnologiyalari kafedrasi mudiri, Matematika va informatika kafedrasi mudiri lavozimlarida faoliyat ko‘rsatib kelmoqda. Hozirda Toshkent to‘qimachilik va yengil sanoat institutida matematika va informatika kafedrasi mudiri lavozimida ishlayapti. 2020 yil 16 dekabrda Mexanika va inshootlar seysmik mustahkamligi instituti huzuridagi ilmiy darajalarni beruvchi DSc.02/30.12.2019.Т/FM.61.01 raqamli Ilmiy kengash asosidagi bir martalik Ilmiy kengashning 01.02.04 –“ Deformatsiyalanuvchi qattiq jismlar mexanikasi” va 05.01.07 – “Matematik modellashtirish. Sonli usullar va dasturlar majmui” ixtisosliklari kesishmasida texnika fanlari bo‘yicha falsafa doktori (PhD) dissertatsiya ishini muvaffaqiyatli himoya qilib, 2021 yil 31 yanvarda texnika fanlari bo‘yicha falsafa doktori (PhD) ilmiy darajasini olgan. Sabirov Nizambay Xayitbayevich 150 dan ortiq ilmiy-uslubiy ishlarni e’lon qilgan, shulardan: 5 ta o‘quv qo‘llanma, 4 ta monografiya muallifi, 30 tadan ortiq o‘quv-uslubiy qo‘llanma va uslubiy ko’rsatmalar chop qilingan. O‘zbekiston Respublikasi ixtiro patentiga muallifdir, ko’plab EHM uchun dasturlar guvohnomasiga ega. Web of Science, Scopus kabi impakt faktorli xalqaro ilmiy jurnallarda maqolalari chop etilgan. Uning rahbarligida 4 da magistrlik dissertatsiya ishini himoya qilgan.

KAFEDRA TARIXI

“Oliy matematika va kompyuter grafikasi” kafedrasi 1932-yilda tashkil topgan bo‘lib, avvaliga kafedrada faqat Matematika fani o‘qitilgan, keyinchalik esa chizmachilik kafedrasi ham kelib qo‘shilib, kafedrada o‘qitiladigan fanlar ko‘lami ham kengayib bordi. “Matematika va informatika” kafedrasi 1932-yilda tashkil topgan. Kafedrada akademiklar: T.N.Qori-Niyoziy, T.A.Sarimsoqov, professorlar: I.S.Arjanix, N.N.Nazarov, D.Grebenyuk, N.M.Muhitdinov, Х.Мansurov, B.M.Mardonov, A.T.Tadjibayev kabi buyuk olimlar ishlaganlar. Turli yillarda kafedrada dotsentlar X.Rahimov, K.Ziyayev, M.P.Chirkin, R.Tillashayhova, T.A.Rodionova, X.Zuparova, B.Mosolov, A.Tolametov, T.Boltiyev, M.Muqimovlar faoliyat ko‘rsatganlar. Kafedrada ushbu yo‘nalish bo‘yicha ilmiy izlanishlar olib borilmoqda: To‘qimachilik, yengil sanoat va paxtani dastlabki ishlash sanoati amaliy masalalarini matematik modellashtirish. Kafedra professor-o‘qituvchilari tomonidan keyingi yillarda 250 dan ortiq ilmiy maqolalar chop etilgan va 8 ta patent olingan. Kafedrada soha ishlab chiqarish korxonalari boshqaruvi bilan bog‘liq muammolarni yechish bo‘yicha salmoqli ishlar amalga oshirilmoqda. Bu borada kafedraning ilmiy izlanuvchilari tomonidan Tursunov Ikrom Eshpo‘latovich Falsafa fanlari doktori unvonini olish uchun “Elektron ta’lim muhitida bo‘lajak muhandislarning kasbiy tayyorgarligini takommillashtirish” mavzusidagi ilmiy ishini 2023-yilda himoya qildi. Kafedraning a’zolari N.Sabirov, A.Mamatov, A.Tangirov, X.E.Xalilova, F.A.Abduraximovalarning 2023-yil mobaynida Scopus Xalqaro bazasida maqolalari chop etildi. Professor–o‘qtuvchilar tomonidan hozirgacha 6 ta uslubiy ko‘rsatma, 2 ta uslubiy qo‘llanma, 1 ta o‘quv qo‘llanma, 1 ta monografiya, 100 dan ortiq ilmiy maqola va tezislar Respublika hamda xorijiy jurnallarida chop etilgan. Bundаn tаshqаri kаfеdrа o‘qituvchilаri tоmоnidаn kаfеdrа fаnigа оid o‘ntа o‘rtа mахsus vа оliy mаktаblаr uchun yarаtilgаn kitоblаr o‘zbеk tiligа tаrjimа qilingаn.
Kаfеdrа охirgi 10 yillаr dаvridа o‘quv jаrаyonini tаkоmillаshtirish vа kаfеdrаdа o‘qitilаdigаn fаnlаrdаn grаfikаviy ishlаrni bаjаrishgа оid uslubiy ko‘rsаtmаlаr vа qo‘llаnmаlаr yozishgа kаttа e’tibоr bеrmоqdа.