Toshkent to‘qimachilik va yengil sanoat instituti delegatsiyasi Zhejiang Sci-Tech Universitetida o‘tkazilayotgan zamonaviy to‘qimachilik materiallari va ilg‘or texnologiyalar bo‘yicha xalqaro ta’lim dasturi doirasida Zhejiang viloyatining ilg‘or to‘qimachilik texnologiyalari markazini (Zhejiang Provincial Center of Advanced Textile Technology) ziyorat qildi.

Ushbu tashrif davomida ishtirokchilar yuqori texnologiyali to‘qimachilik materiallari va tolalarining ishlab chiqarish xususiyatlari hamda zamonaviy eksponatlar bilan yaqindan tanishish imkoniyatiga ega bo‘ldilar. Bu tadbir xalqaro hamkorlikni mustahkamlash, tajriba almashish va to‘qimachilik sohasida innovatsion yondashuvlarni rivojlantirish yo‘lida muhim qadam bo‘ldi.

Zhejiang viloyatidagi ilg‘or to‘qimachilik texnologiyalari markazini ziyorat qilish orqali delegatsiya Xitoy to‘qimachilik sanoatining yutuqlarini baholadi va O‘zbekistonda to‘qimachilik sanoatini yanada rivojlantirish hamda modernizatsiya qilish uchun qimmatli amaliy bilimlar oldi.