“Korrupsiyaga qarshi kurashish virtual akademiyasi” elektron platformasi O‘zbekiston Respublikasi Prezidentining “Aholi va davlat xizmatchilarining korrupsiyaga qarshi kurashish sohasidagi bilimlarini uzluksiz oshirish tizimini joriy qilish chora-tadbirlari to‘g‘risida”gi qarori bilan joriy etilgan.

Virtual akademiyaning maqsadi quyidagilarga ko‘maklashadi:

aholi va davlat xizmatchilarining huquqiy ongi va huquqiy madaniyatini yuksaltirish

jamiyatda korrupsiyaga nisbatan huquqiy immunitetni shakllantirish yosh avlod ongiga halollik qadriyatlarini singdirish

korrupsiyaga qarshi kurashishga mas’ul hamda korrupsiyaviy xavf-xatarlar yuqori bo‘lgan davlat xizmati lavozimlaridagi xodimlarning bilim va malakalarini doimiy ravishda oshirib borish

davlat xizmatchilarining bilimlarini baholash va sertifikatlash

bu sohada milliy va xorijiy tajriba, ilmiy, uslubiy va amaliy ishlanmalar, erishilgan yutuqlar bo‘yicha elektron ma’lumotlar bazasini yuritish

Korrupsiyaga qarshi kurashish agentligi va Huquqni muhofaza qilish akademiya (virtual akademiya)si tomonidan ishlab chiqilgan Korrupsiyaga qarshi kurashish maxsus oʻquv kurslarida bepul o'qing!