📌O‘zbekiston Respublikasi Prezidentining 2025-yil 15-maydagi “2030-yilgacha bo‘lgan davrda aholining ekologik madaniyatini yuksaltirish konsepsiyasini tasdiqlash to‘g‘risida”gi PQ-184-son qarori hamda mazkur qaror ijrosini ta’minlash yuzasidan tasdiqlangan nazorat rejasining 2-ilova 40-bandida belgilangan vazifalar asosida ta’lim muassasalari talabalari o‘rtasida ekologiyaga oid tanlovlarni tashkil etish amaliyoti yo‘lga qo‘yilgan.

📌Mazkur topshiriqlar ijrosini ta’minlash maqsadida Toshkent to‘qimachilik va yengil sanoat institutida talabalar o‘rtasida ekologiya sohasida bilim va ko‘nikmalarni shakllantirish, ularning tashabbuskorligini qo‘llab-quvvatlash, ekologik madaniyatni yuksaltirish hamda atrof-muhitni muhofaza qilish borasidagi faoliyatini rag‘batlantirishga qaratilgan bir qator tanlovlar tashkil etildi.

📌Tanlovlar “Ekologiya bilmdoni”, “Ekologik madaniyat targ‘ibotchisi”, “Eng faol ekovolontyor” hamda “Yilning eng yaxshi ekologiya himoyachisi” nominatsiyalari bo‘yicha namunaviy nizom asosida o‘tkazildi.

📌Jarayon ikki bosqichda — fakultet bosqichi hamda institut bosqichida tashkil etilib, ishtirokchilarning nazariy bilimlari, amaliy ko‘nikmalari, tashabbuslari va ekologik loyihalari Hakamlar hay’ati tomonidan adolatli baholandi.

📌Yakuniy natijalarga ko‘ra quyidagi talabalar g‘olib deb topildi:

📌“Ekologiya bilmdoni” nominatsiyasi bo‘yicha “Ekologiya va atrof-muhit muhofazasi” ta’lim yo‘nalishi 29-25 guruh talabasi Bahronova Charos faxrli 1-o‘rinni egalladi.
📌“Yilning eng yaxshi ekologiya himoyachisi” nominatsiyasi bo‘yicha 29a-25 guruh talabalari Mardiyev Aslbek va Ziyodullayeva Nafisa faxrli 1-o‘ringa sazovor bo‘ldi.
📌“Eng faol ekovolontyor” nominatsiyasi bo‘yicha 29-24 guruh talabasi Izzatulayeva Gulasal faxrli 1-o‘rinni qo‘lga kiritdi.
📌“Ekologik madaniyat targ‘ibotchisi” nominatsiyasi bo‘yicha 29a-25 guruh talabasi Imomova Sabrina faxrli 1-o‘rinni egalladi.

📌Mazkur tanlovlar talabalarning ekologik ongini shakllantirish, tabiatga mas’uliyatli munosabatni kuchaytirish, atrof-muhitni muhofaza qilish borasidagi tashabbuslarni qo‘llab-quvvatlashda muhim ahamiyat kasb etdi. Shu bilan birga, bu kabi tadbirlar yoshlar orasida sog‘lom ekologik muhitni yaratish, ekologik madaniyatni keng targ‘ib etish hamda ularni jamiyatning faol va mas’uliyatli a’zolari etib tarbiyalashga xizmat qilmoqda.

📌Kelgusida ham institutda ekologik yo‘nalishdagi bunday tanlov va loyihalarni tizimli ravishda davom ettirish rejalashtirilgan.