📌 Xabaringiz bor, Sanoat texnologiyalari va mexanika fakulteti Mehnat muhofazasi va ekologiya kafedrasi tomonidan talaba-yoshlarning ekologik bilimlarini oshirish, atrof-muhitni muhofaza qilish sohasidagi qonunchilik hujjatlarini o‘rganishga bo‘lgan qiziqishini kuchaytirish maqsadida “Siz ekologiyaga oid qonunlarni bilasizmi?” mavzusida tanlov tashkil etildi.
📌 Tanlov davomida ishtirokchilar ekologiyaga oid qonunlar, tabiatni muhofaza qilish, ekologik xavfsizlik hamda fuqarolarning ekologik huquqlari bo‘yicha o‘z bilimlarini namoyish etdilar. Hakamlar hay’ati tomonidan ishtirokchilarning javoblari xolisona baholanib, eng faol va bilimdon talabalar g‘olib deb topildi.
📌 Tadbir yakunida tanlov g‘oliblari va faol ishtirokchilar tantanali ravishda diplom, faxriy yorliq hamda esdalik sovg‘alari bilan taqdirlandilar.