Avtomatlashtirish va dasturiy injiniring kafedrasi

Sabirov Nizambay Xayitbayevich

Kafedra mudiri

Manzil: Toshkent shahri Shohjahon ko‘chasi 5-uy

E-pochta: n.sabirov@ttyesi.uz

Telefon: +998-97-774-60-70

O'qituvchilar: 13

Murojaat yuborish

O‘zi haqida ma’lumot

Kadirov Omon Xamidovich 1966 yil 7 mayda tug‘ilgan. Texnika fanlari nomzodi. 1983-1988 yillarda Tomsk avtomatlashtirilgan boshqaruv tizimlari va radioelektronika institutini tamomlagan. Ma’lumoti – oliy. 1988 – 1992 yillarda Toshkent politexnika instituti “Robototexnika va axborot tizimlari” kafedrasida assistent lavozimida ishlagan. 1992 – 1995 yillarda Tomsk davlat boshqaruv tizimlari va radioelektronika akademiyasi aspiranti. 1998-2006 yillarda Qirg‘iz-O‘zbek universitetida, 2006 - 2015 yillarda Toshkent temir yo‘l muhandislari institutida dotsent va kafedra mudiri lavozimlarida ishlagan. 2016-2021 yillarda Toshkent to‘qimachilik va yengil sanoat instituti dotsenti, dekan muovini lavozimlarida ishlagan. 2021 yildan “Texnologik jarayonlar va ishlab chiqarishni avtomatlashtirish va boshqarish” va hozirgi kunda “Avtomatlashtirish va dasturiy injiniring” kafedrasi mudiri lavozimida ishlab kelmoqda. O.X.Kadirov о‘zining pedagogik faoliyati davomida 150 dan ortiq maqola va tezislar muallifi. O.X. Kadirov 1998 yildan 2008 yilgacha “TEMPUS” loyihasining mas’ul ijrochisi bo‘lgan. Shu loyiha doirasida Afina texnologik ta’lim institutida (Gretsiya), Padova universitetida (Italiya), Gannover universiteti va Berlin texnika universitetida (Germaniya), Sankt-Peterburg elektrotexnika universiteti, Ukraina milliy texnika universitetida ishlab tajriba almashgan. Gretsiya, Xitoy, Rossiya va boshqa qator MDH davlat universitetlarida stajirovka o‘tagan, xalqaro konferensiya va seminarlarda ishtirok etgan. O.X. Kadirov 120 dan ortiq ilmiy va ilmiy-uslubiy ishlar muallifi. Shuningdek, 12 ta о‘quv qо‘llanma va darsliklar, 40 dan ortiq uslubiy qo‘llanma va ko‘rsatmalar muallifi. Jumladan, “Texnologik mashinalarni kompyuterli boshqaruvi”, “Texnologik jarayonlarni identifikatsiyalash va modellashtirish”, “Osnovi teorii upravleniya”, “Ma’lumotlar uzatish asoslari”, “Osnovi provodnoy svyazi” nomli darsliklar va o‘quv qo‘llanmalar o‘zbek va rus tillarida tayyorlanib nashrdan chiqarilgan. Web of Science, Scopus kabi impakt faktor xalqaro ilmiy jurnallarda maqolalari chop etilgan. Davlat ta’lim standartlari, o‘quv rejalari, fan dasturlari va boshqa me’yoriy hujjatlarni tayyorlashda faol qatnashib kelmoqda. Uning rahbarligida 14 nafar magistrlik dissertatsiya ishlar himoya qilgan. 2015 yildan hozirgacha xorijda “Ural Radio Engineering Journal” ilmiy jurnali tahririyat a’zosi.

KAFEDRA TARIXI

“Avtomatlashtirish va dasturiy injiniring” kafedrasi 1935-yilda tashkil topgan, Shu yillar davomida S.K.Melodiyev, dotsent A.M. Sutormin, dotsent N.F. Fozilov, professor S.Z.Usmonov, professor X.M.Mansurov, professor A.A.Kadirov, dotsent L.N.Nigmatovlar kafedraga mudirlik qilganlar. 2000-yil texnika fanlari doktori, professor I.X.Siddiqov tomonidan «Elektrotexnika va elektr yuritmalari» kafedrasi «Avtomatlashtirish va boshqarish» ta’lim yo‘nalishi bo‘yicha bakalavr kadrlar tayorlashga ixtisoslashgan «Texnologik jarayonlarni avtomatlashtirish va kompyuterlashtirish» nomli mutaxassislik kafedrasiga aylantirildi. 2013-yildan kafedra «Texnologik jarayonlar va ishlab chiqarishni avtomatlashtirish va boshqarish» nomi bilan faoliyat ko‘rsatib kelgan. 2013 - 2021 yillar kafedraga dotsent D.A.Xalmatov mudirlik qilgan. 2021-2025-yillar kafedraga dotsent O.X.Kadirov mudirlik qilgan. 2024-yil sentyabrdan kafedra “Avtomatlashtirish va dasturiy injiniring” nomi bilan faoliyat ko‘rsatib kelmoqda. Hozirgi kunda kafedraga t.f.n., dotsent N.X.Sabirov mudirlik qilmoqda.

KAFEDRA FAOLIYATI

2025 yil sentabrdan kafedra mudirlik lavozimiga t.f.n., Phd, dotsent N.X.Sabirov vaqtincha vazifasini bajaruvch etib tayillandi. Kafedrada 1 nafar professor, 5 nafar dotsent, 4 nafar katta o‘qituvchi va 3 nafar assistent faoliyat ko‘rsatib kelmoqdalar. Kafedrada 60711400 – “Texnologik jarayonlar va ishlab chiqarishni avtomatlashtirish va boshqarish” (paxta, to’qimachilik va yengil sanoat) ta’lim yo‘nalish bo‘yicha bakalavr va 70711401 – Texnologik jarayonlar va ishlab chiqarishni avtomatlashtirish (paxta, to‘qimachilik va yengil sanoat) mutaxassisligi bo‘yicha magistrlarni tayyorlash yo‘lga qo‘yilgan. 2024-2025 o‘quv yilidan 60710900 - “Texnologik jarayonlar va ishlab chiqarishni avtomatlashtirish” ta’lim yo‘nalishi bo‘yicha bakalavr va 70710901 – Texnologik jarayonlar va ishlab chiqarishni avtomatlashtirish mutaxassisligi bo‘yicha magistrlarni tayyorlash yo‘lga qo‘yildi. Kafedrada bakalavr ta’lim yo‘nalishi bo‘yicha 17 ta va magsitratura mutaxassisligi bo‘yicha 3 ta fandan mashg‘ulotlar olib boriladi. Kafedra qoshida Texnologik jarayonlar va ishlab chiqarishlarni avtomatlashtirish va boshqarish ixtisosligi bo‘yicha tayanch doktorantura faoliyat yuritib, unda 4 nafar tayanch doktorant o‘z ilmiy ishlari bilan shug‘ullanib kelmoqdalar.

KAFEDRA YUTUQLARI

Kafedrada yuqori salohiyatli professor o‘qituvchilar bor bilim va mahoratlarini ishga solib faoliyat olib borish bilan birga texnologik jarayonlarni avtomatlashtirish, jarayonlarni boshqarishni intellektuallashtirish sohalarida ilmiy izlanishlar olib borib, davlat granti asosida TTYSIning bir qator kafedralari va TDTU olimlari bilan hamkorlikda (umumiy hajmi 94 mln so‘m) amaliy loyihalar ustida ilmiy tadqiqot ishlarini olib bormoqda. Bundan tashqari kafedra o‘qituvchilari tomonidan chet el o‘quv yurtlari, jumladan, Dortmunt Texnika Univtrsiteti va Turkiyaning Karabuk universiteti olimlari bilan o‘quv va ilmiy ishlar sohasida hamkorlik qilishmoqda. Kafedrada “Intellekt” nomli talabalar konstruktorlik byurosidagi iqtidorli talabalar inistitutimiz va Respublika miqiyosida o‘tkazilgan tanlov va ko‘rgazmalarda faol ishtirok etib kelmoqda. Jumladan, 13.05.2024-yil Toshkent to‘qimachilik va yengil sanoat institutida o‘tkazilgan “Yoshlar akademiyasi forumi”da faol ishtirok etib, Zaydinov Abduraxim I darajali, Yusupov Nodirjon II darajali diplom bilan taqdirlandilar.