Tolali materiallarni dastlabki ishlash kafedrasi

Xakimov Sherqul Sherg'oziyevich

Kafedra mudiri

Manzil: Toshkent shahri Shohjahon ko‘chasi 5-uy 3-bino 4-qavat 405-xona

E-pochta: s.xakimov@ttysi.uz

Telefon: +998-968-95-88

O'qituvchilar: 17

Murojaat yuborish

O'zi haqida ma'lumot

Xakimov Sherqul Sherg'oziyevich 1965-yil, 30 martda tug'ilgan. Texnika fanlari doktori, dotsent.1984-1989 yillarda Toshkent tо'qimachilik va yengil sanoat instituti, 1989 -1990-yillarda Paxta tozalash zavodi ta'mirlovchisi. Sh.Sh.Xakimov 1965-yil, 30-mart, Surxondaryo viloyati, Uzun tumanida tavallud topgan. Ma'lumoti - Oliy. 1990-1993 yillarda Toshkent tо'qimachilik va yengil sanoat instituti aspiranti, 1993 – 1994-yillarda Toshkent tо'qimachilik va yengil sanoat instituti tо'qimachilik mashina va apparatlari kafedrasi ilmiy xodimi lavozimida ishlagan. 1994-1995 yillarda Uzun tumani paxta tozalash zavodi ishlab chiqarish bо‘limi boshlig‘i, 1995-1998-yillarda Termiz shahar paxta tozalash hissadorlik jamiyati bosh muhandisi, 1998 - 2001-yillarda Termiz shahar paxta tozalash hissadorlik jamiyati boshqaruv raisi, 2001-2002-yillarda “Surxonpaxtasanoat” aksionerlik birlashmasi birinchi muovini, 2002-2004-yillarda «Sherobod paxta» ochiq turdagi hissadorlik jamiyati raisi, 2004-2005-yillarda «Paxta tozalash» aksionerlik jamiyati yetakchi muhandisi, 2005 – 2007-yillarda «Sirdaryopaxtasanoat» aksionerlik birlashmasi birinchi muovini, 2007- 2008-yillarda «Paxta tozalash» aksionerlik jamiyati yetakchi ilmiy xodimi, 2008-2009-yillarda “Uzun paxta tozalash” ochiq aksionerlik jamiyati boshqaruvi raisi, 2009-2011-yillarda “Surxonpaxtasanoat” hududuiy aksionerlik birlashmasi xodimi, 2011-2013-yillarda “Rim Koloss” mas’uliyati cheklangan jamiyati yetakchi menedjeri, 2013-2014-yillarda «Industrial technological lines» loyihalash mas’uliyati cheklangan jamiyati direktori, 2014-2016-yillarda Toshkent tо‘qimachilik va yengil sanoat instituti katta ilmiy xodim-izlanuvchisi, 2016-2017-yillarda Texnologik mashinalar, jihozlar va servis xizmati kafedrasi mudiri, 2017 -2020-yillarda Texnologik mashinalar va jihozlar kafedrasi dotsenti, 2020-2024-yillarda Texnologik mashinalar va jihozlar kafedrasi professori, bugungi kunda esa Tolali materiallarni dastlabki ishlash kafedrasi mudiri lavozimida faoliyat olib bormoqda. Sh.Sh.Xakimov o‘zining ilmiy faoliyati davomida 100 dan ortiq maqola va tezislar muallifi. Maqola va tezislari Respublika OAK e’tirof etgan jurnallarda, Xalqaro yuqori indekslangan impakt faktorli, SCOPUS, WOS ro‘yxatidan o‘tgan jurnallarda chop etilgan. Shuningdek, 12 ta ixtiro va foydali modelga patent, 1 ta darslik o‘quv va o‘quv uslubiy qo‘llanmalar va ko‘rsatmalar, fan va ishchi dasturlar hamda majmualar muallifi. Uning chigitli paxta uchun separatori nomli patenti О‘zbekiston Respublikasi Intellektual mulk agentligi tomonidan “BEST IP-2018” - eng yaxshi intellektual mulk obyekti uchun tanlovining “Eng yaxshi sanoat namunasi” nominatsiyasi bо‘yicha I-darajali diplom bilan taqdirlangan.

Sh.Sh.Xakimov ilmiy-pedagogik faoliyati davomida 3 nafar texnika fanlari falsafa doktori (PhD) tayyorlagan. Hozirgi vaqtda ilmiy darajaga talabgor 3 nafar doktorant va mustaqil tadqiqotchilarga ilmiy rahbarlik qilmoqda.

Sh.Sh.Xakimov tomonidan Davlat ilmiy texnika dasturi asosida 5 ta ilmiy loyiha va 2 ta xо‘jalik shartnomasiga rahbarlik qilgan. Ilmiy loyiha doirasida jami 0,8 mlrd. sо‘mdan ortiq ish bajarilgan, natijalari “О‘zpaxtasanoat” AJ tizimidagi korxonalarga joriy etilgan, bunda olingan jami iqtisodiy samaradorlik 480 mln. sо‘mni tashkil etadi.

Uning bevosita tashabbusi bilan “Texnologik mashinalar va jihozlar” kafedrasi qoshidagi mexanik ustaxonasidagi uskunalar ta’mirdan chiqarilgan. Natijada kafedrada о‘qitiladigan fanlar bо‘yicha laboratoriya va amaliy mashg‘ulotlarni о‘qitish samaradorligi yuqori bо‘ldi.

Hozirda, Toshkent to‘qimachilik va yengil sanoatida 05.06.02 – Tо‘qimachilik materiallari texnologiyasi va xomashyoga dastlabki ishlov berish ixtisosligi bo‘yicha ilmiy seminar raisi.

KAFEDRA TARIXI

“Tolali materiallarni dastlabki ishlash” kafedrasi 1932-yilda tashkil topgan bo‘lib, uning asoschisi О‘zbekiston Respublikasi Fanlar Akademiyasi muxbir a’zosi, texnika fanlari doktori, professor BORIS APPOLONOVICH LEVKOVICHdir. 1932-yilda Kafedra Paxtani dastlabki ishlash deb nomlangan, 2014-yil kafdera nomi “Tabiiy tolalarni dastlabki ishlash texnologiyasi”ga o‘zgartirilgan, 2024-yildan “Tolali materiallarni dastlabki ishlash kafedrasi” deb nomlangan.

KAFEDRA FAOLIYATI

Shu yillar davomida kafedraga 1988-1992 yillar X.T.Axmatxо‘jayev, 1993-1996 yillar M.T.Tillayev, 1996-1998 yillar A.P.Parpiyev, 1998-2000 yillar M.A.Akbarov, 2000-2007 yillar M.A.Axmatov, 2008-2014 yillar I.D.Madumarov, 2014-2017 yillar M.T.Hodjiyev, 2017-2018 yillar M.E.Ruzmetov, 2018-2020 yillar X.N.Pardayev, 2021-2024 yillar N.A.Novruzov, 2024-yil fevral oyidan buyon S.S.Xakimov kafedra mudiri lavozimida ishlab kelmoqda.
Hozirda kafedrada 7 nafar fan doktori va professor, 12 nafar fan nomzodi va dotsent, 1 nafar katta o‘qituvchi, 2 nafar assistent o‘z ilmiy va amaliy izlanishlarini olib bormoqdalar. Kafedrada bakalavriat talabalariga Korxonalarni loyihalash, Tabiiy tolalarni dastlabki ishlash, Tolali materiallarni quritish va namlash, Mahsulot sifatini aniqlash, Paxtani dastlabki ishlash texnologiyasi va jihozlari, Paxtani dastlabki ishlash texnologik uskunalarini loyihalash, Tarmoq texnologiyasi va jihozlari, Urug‘ tayyorlash texnologiyasi, Uskunalarni ekspluatatsiya qilish va ta’mirlash, Paxta sanoati mashinalarni loyihalash, Tadqiqot uslub va vositalari, Kasb mahorati, Paxta mahsulotlarini standartlashtirish, sertifikatlash va marketing, Paxta tozalash sanoati uskunalarining pnevmotransport tizimlari fanlari o‘qitiladi. Magistratura mutaxassisligidagi talabalarga Paxta mahsulotlarini ishlab chiqarish va sifatini boshqarish, Urug‘lik chigit tayyorlash texnologik jarayonlarini loyihalash, Mahsulotlar sifatini boshqarish, Paxta sanoati texnologiyasining ilmiy muammolari, Paxta sanoati texnologik jarayonlarini modellashtirish, Texnologik jarayonlarni kompleks mexanizatsiyalash fanlari tajribali professor-o‘qituvchilar tomonidan olib boriladi.
Kafedrada Institut Oliy ta’limdan keyingi ta’lim institutiga 05.06.02-Tо‘qimachilik materiallari texnologiyasi va xomashyoga dastlabki ishlov berish yo‘nalishi bo‘yicha qabul qilingan 8 nafar doktorantlar biriktirilgan.

KAFEDRA YUTUQLARI

2019-yil kafedra professor-o‘qituvchilaridan А.Salimov, Wang Hua va T.Tuychiyevlar tomonidan «Technology and equipment for primari cotton processing»nomli o‘quv qo‘llanma China-Xitoy Xalq Respublikasida hamkorlikda nashr etilgan.
A.Salimov tomonidan yozilgan о‘quv adabiyotlar OО‘MTV tomonida respublikada о‘tkazilgan “Yilning eng yaxshi darsligi va о‘quv adabiyoti” hamda 2021-yil Oliy va о‘rta maxsus ta’lim vazirligi tomonidan о‘tkazilgan “Oliy ta’lim muassasasining eng yaxshi pedagogi” tanlovi g‘olibi diplomi bilan taqdirlangan, kafedra fidoyi ustoz professor-о‘qituvchilaridan Usmanov Xayrulla Saydullayevich 2024-yil 2-maydan 23-maygacha Latviya Respublikasining Riga Texnika Universitetida malaka oshirib qaytdi, shu bilan birga Yevropaning nufuzli oliy ta’lim muassasi bilan hamkorlikda ilmiy izlanishlar olib bordi. Kafedra o‘qituvchilari institutdagi barcha mutaxassisliklar va ta’lim yo‘nalishlarida tahsil olayotgan bakalavriatura hamda magistratura talabalariga ta’lim berib kelmoqda.