Oliy ta’lim tizimi kadrlarini qayta tayyorlash va malakasini oshirish instituti, Xalqaro Nordik universiteti va Prime Education Finland (Finlandiya) ta’lim tashkiloti o‘rtasidagi hamkorlik memorandumiga asosan oliy ta’lim muassasalari rahbar kadrlari va professor o‘qituvchilari uchun shartnoma asosida “Ta’lim tizimi menejmenti” yo‘nalishi bo‘yicha qo‘shma malaka oshirish kursi tashkil etilmoqda.

Qo‘shma malaka oshirish kursi 2025-yil yanvar va fevral oylarida (72 soati 15–29 yanvarda Oliy ta’lim tizimi kadrlarini qayta tayyorlash va malakasini oshirish institutida va 72 soati 3-14 fevralda xalqaro reytingda 500 talikdan o‘rin olgan Finlandiya va Shvetsiya oliy ta’lim muassasalarida) 1 oylik (144 soat) malaka oshirish kursi sifatida tashkil etiladi hamda davlat namunasidagi malaka attestati hamda maxsus xorijiy malaka oshirganlik sertifikati beriladi.