О‘zbek va xorijiy tillar kafedrasi

Qodirova Gavhar Alisher qizi

Kafedra mudiri

Manzil: Toshkent shahar shohjahon ko’chasi, 5 uy

E-pochta: g.qodirova@ttysi.uz

Telefon: +998-99-875-49-40

O'qituvchilar: 27

Murojaat yuborish

O’zi haqida ma’lumot

Qodirova Gavhar Alisher qizi 24-avgust 1995-yilda Toshkent shahrida ziyolilar oilasida tavallud topgan. Millati o`zbek. Ma`lumoti oliy. 2001-2010 yillarda Toshkent shahri Yakkasaroy tumanidagi 144-sonli umumiy o`rta ta`lim maktabida tahsil olib, 2010-2013 yillarda Toshkent shahri Yakkasaroy tumanida joylashgan Toshkent to`qimachilik va yengil sanoat instituti qoshidagi akademik litseyni tamomladi. 2013-2017 yillarda O`zbekiston davlat jahon tillari universiteti, Xorijiy til va adabiyoti (ingliz tili va adabiyoti) yo`nalishida bakalavr bosqichida tahsil oldi. 2017-2019 yillarda O`zbekiston davlat jahon tillari universiteti, Lingvistika (ingliz yili) yo`nalishida magistratura bosqichida tahsil oldi. 2019-2024 yillarda Toshkent to`qimachilik va yengil sanoat instituti “O`zbek va xorijiy tillar” kafedrasida assistent o`qituvchi, 2024-yildan hozirgi vaqtga qadar “O`zbek va xorijiy tillar” kafedra mudirasi sifatida faoliyat olib bormoqda.

Erishgan yutuqlari

Qodirova Gavhar Alisher qizi faoliyati davomida 1 ta multimediali elektron o`quv qo`llanma dasturiga olingan DGU 20276 raqamli guvohnoma, 2 ta scopus bazasidagi ilmiy maqola, 4 ta xalqaro yuqori indekslangan impakt faktorli jurnal, 3 ta respublikada OAK e`tirof etgan jurnal, 12 ta xalqaro hamda respublika konferensiyalarida ilmiy tezislar bilan ishtirok etgan. Shuningdek 2 ta o`quv qo`llanma, 3 ta uslubiy ko`rsatma, fan va ishchi dasturlar tuzishda hammualliflik qilgan.

2022-yilning noyabr oyida G.A.Qodirova Buyuk Britaniyaning Norwich shahrida joylashgan NILE (Norwich Institute for Language Education) institutida malaka oshirish kursida qatnashib, TTYSI rektori orqali ushbu institut bilan memorandum imzolagan. 2024-yilning iyun oyida Turkiyaning Bursa shahrida joylashgan Bursa texnika universitetida stajirovka o`tab, turk talabalari bilan micro-teaching o`tkazib, sertifikatlar bilan taqdirlangan.

Qodirova Gavhar Alisher qizi Aptis (C1) xalqaro sertifikatiga ega.

G.A.Qodirova hozirda 13.00.02-Ta’lim va tarbiya nazariyasi va metodikasi ixtisosligi bo‘yicha mustaqil tadqiqotchi sifatida ilmiy izlanishlar olib bormoqda.

KAFEDRA TARIXI

“Ingliz tili” kafedrasi 1932-yilda tashkil topgan bo‘lib, avvaliga kafedrada faqat ingliz tili fani o‘qitilgan. Keyinchalik esa nemis va fransuz tili fanlari ham qo‘shilgan. Shu yillar davomida kafedraga M.I.Topol’skiy, A.G.Rozin, M.T.Ibragimov, R.I.Mishelevichlar boshchilik qilganlar. 1987-2005 yillarda kafedraga dotsent A.S.Saidov mudirlik qildi. 2013-2014 o‘quv yilida “Ingliz tili” kafedrasi “Tillar” kafedrasi deb nomlandi va rus tili kafedrasi (rus, o‘zbek tili fanlari) qoshildi. Malakali o‘qituvchilarning safi yanada kengaydi. 2021-2022 o‘quv yilidan boshlab kafedra nomi “O‘zbek va xorijiy tillar” kafedrasiga o‘zgartirildi.

KAFEDRA FAOLIYATI

2024-yildan mudirlik vazifasida katta o‘qituvchi N.B.Djurayeva faoliyat olib bormoqda. Hozirda kafedrada 10 nafar katta o‘qituvchi,13 nafar assistent o‘qituvchilar pedagogik faoliyat hamda o‘zlarining ilmiy va amaliy izlanishlarini olib bormoqdalar. Kafedrada xorijiy til (ingliz, fransuz, turk), rus va o‘zbek tillari o‘qitiladi. Kafedrada Institut Oliy ta’limdan keyingi ta’lim institutiga 10.00.06-qiyosiy adabiyotshunoslik, chog‘ishtirma tilshunoslik va tarjimashunlik yo‘nalishi bo‘yicha qabul qilingan 8 nafar doktorantlar biriktirilgan.

KAFEDRA YUTUQLARI

Kafedraning bir necha professor-o‘qituvchilari Turkiya Respublikasining Bursa Texnika Universitetida tajriba almashib qaytdi. 2024-yil iyun oyida kafedra katta o‘qituvchisi Sh.Nurbekova Tojikiston Respublikasida tajriba almashib qaytdi. Yosh va tajribali assistent G.Qodirova 2022-yil Buyuk Britaniyaning Norwich Institutida malaka oshirib keldi. Kafedradagi malakali professor-o‘qituvchilar o‘zlarining bilim va tajribalarini talabalarga o‘rgatish bilan birgalikda, o‘z bilimlarini boyitish maqsadida, Angliya, Italiya, Fransiya, Turkiya, Xitoy, Latviya, Rossiya, Janubiy Koreya va boshqa Osiyo hamda Yevropaning nufuzli oliy ta’lim muassasalari bilan hamkorlikda ilmiy izlanishlar olib bormoqda. Kafedra o‘qituvchilari institutdagi barcha mutaxassisliklar va ta’lim yo‘nalishlarida tahsil olayotgan bakalavriatura hamda magistratura talabalariga ta’lim berib kelmoqda.