“Ziyolilar bog’i”ga asos solindi
Bugun Toshkent to’qimachilik va yengil sanoat instituti jamoasi Toshkent viloyati O’rtachirchiq tumanida joylashgan yer maydonida “Ziyolilar bog’i” tashkil etishdi.
Gap shundaki, 15-mart kuni butun O’zbekiston bo’ylab daraxt ekish aksiyalari bo’lib o’tmoqda. Xususan barcha OTMda ekologiyaga hissa qo’shish maqsadida ko’chatlar ekilmoqda.
E’tiborli jihati shundaki, Toshkent to’qimachilik va yengil sanoat instituti jamoasi 13,5 gektar yer maydoniga 6 mingdan ortiq mevali va manzarali daraxtlar ekdi.
Ularning aksariyati olcha va olma ko’chati bo’lib, mazkur mevali daraxtlar agronomlar va mahalliy aholi fikrini o’rgangan holda tanlangan. Shuningdek institut jamoasi bog’ning qarovsiz qolmasligini ham o’ylagan holda 17 ta shtat birligi joriy etildi. Xususan, 1 ta agronom, 5 ta suvchi, 5 ta bog’bon, 3 ta qorovul, 4 ta chopiqchi shtati ajratildi.
