Pedagog kadrlarni qayta tayyorlash va ularning malakasini oshirish tarmoq markazi

Akbarov Rustam Djamalovich

Bo'lim boshlig'i

Tashkil topgan yili: 1972 yil

Manzil: Toshkent shahar shohjahon ko’chasi, 5 uy

E-pochta: malakaoshirish@ttyesi.uz

Telefon: +998-97-968-11-08

Murojaat yuborish

Texnika fanlari nomzodi, dotsent, Toshkent to‘qimachilik va yengil sanoat instituti huzuridagi Pedagog kadrlarni qayta tayyorlash va malakasini oshirish tarmoq markazi direktori, “Materialshunoslik va standartlashtirish” kafedrasi professori.

1992 yilda Toshkent to‘qimachilik va yengil sanoat institutini muhandis-kimyogar-texnolog mutaxassisligi bo‘yicha tamomlagan. Ilmiy-pedagogik, ilmiy va boshqaruv faoliyati bo‘yicha umumiy ish staji — 30 yildan ortiq.

2009–2011 yillarda institutning xalqaro aloqalar bo‘limi boshlig‘i lavozimida ishlagan. Turli yillarda “To‘qimachilik materialshunosligi” hamda “Materialshunoslik va standartlashtirish” kafedralariga rahbarlik qilgan. 2012–2022 yillarda 10 yil davomida Yengil sanoat va dizayn fakulteti dekani lavozimida faoliyat yuritgan. 2025 yil oktyabr oyidan hozirgi vaqtgacha Toshkent to‘qimachilik va yengil sanoat instituti huzuridagi Pedagog kadrlarni qayta tayyorlash va malakasini oshirish tarmoq markazi direktori hisoblanadi.

100 dan ortiq ilmiy nashrlar muallifi, jumladan 1 ta monografiya, 3 ta o‘quv qo‘llanma, 17 ta o‘quv-uslubiy ishlanma, 6 ta patent (ulardan 2 tasi xorijiy), shuningdek Scopus bazasida indekslangan jurnallarda chop etilgan 9 ta maqolaga ega. Uning ilmiy rahbarligi ostida bakalavr bitiruv malakaviy ishlari va magistrlik dissertatsiyalari bajarilib, muvaffaqiyatli himoya qilingan.

Quyidagi xalqaro va milliy ilmiy-ta’lim loyihalarida ijrochi va loyiha rahbari sifatida ishtirok etgan:
— NATO SfP 978005 “Straightforward and environment friendly metallization of synthetic fibers” (2003–2005 yy., ijrochi);
— TEMPUS SUNIL JEP-25223-2004 “Ta’lim va ishlab chiqarish o‘rtasidagi aloqalarni mustahkamlash (texnologiyalar transferi) va masofaviy ta’lim” (2005–2008 yy., ijrochi);
— TEMPUS 530786-TEMPUS-1-2012-1-NL-TEMPUS-SMHES “TUCAHEA: Markaziy Osiyoda oliy ta’lim makonini kengaytirish sari (Tuning)” (2011–2014 yy., loyiha rahbari);
— GIZ loyihasi “O‘zbekiston Respublikasi kasb-hunar ta’limi tizimini isloh qilish va modernizatsiya qilish jarayonini qo‘llab-quvvatlash” (2023–2024 yy., ishtirokchi).

Boshqaruv va xalqaro faoliyati davomida 8 ta xalqaro shartnoma tuzilishini ta’minlagan, Belarus Respublikasining Vitebsk texnologiya instituti bilan 2+2+1 shaklidagi qo‘shma ta’lim dasturini yo‘lga qo‘yishda ishtirok etgan (ikki davlat diplomi berish asosida), shuningdek bakalavriat va magistratura yo‘nalishlari bo‘yicha davlat ta’lim standartlarini joriy etish va yangilash ishlarini amalga oshirgan.

Xalqaro ilmiy-ta’limiy stajirovkalardan o‘tgan: TECHMINHO universitetida (Portugaliya), Piza universitetida (Italiya), La Martinyer Didro litseyida (Fransiya) — kasbiy tajriba almashish bo‘yicha, shuningdek Hochschule Niederrhein – University of Applied Sciences (Germaniya)da.

Qo‘shimcha ta’lim va professional qayta tayyorlovga ega: 2006 yilda Nizomiy nomidagi Toshkent davlat pedagogika universitetining pedagogika va psixologiya fakultetini tamomlab, “amaliy psixolog” malakasini olgan; 2022 yilda “Metrologiya, standartlashtirish va mahsulot sifatini boshqarish” yo‘nalishi bo‘yicha professional qayta tayyorlovdan o‘tgan.

2013–2015 yillarda ilmiy darajalar beruvchi ixtisoslashtirilgan ilmiy kengash a’zosi bo‘lgan, 2024 yildan boshlab xorijiy universitet dissertatsiya kengashi a’zosi hisoblanadi.

U pedagog kadrlarni qayta tayyorlash tizimini rivojlantirish, ilmiy salohiyatni oshirish va muhandislik fanlari, materialshunoslik, standartlashtirish, metrologiya hamda yengil sanoat texnologiyalari sohasida oliy ta’limning xalqaro integratsiyasini kengaytirishda faol ishtirok etib kelmoqda

MARKAZ HAQIDA UMUMIY MA’LUMOT

Toshkent To‘qimachilik va Yengil Sanoati instituti huzuridagi pedagog kadrlarni qayta tayyorlash va ularning malakasini oshirish tarmoq markazi ilk bor pedagoglarni malakasini oshirish fakulteti sifatida 1972-yilda O‘zbekiston Respublikasi Oliy va o‘rta maxsus ta’lim vazirligining 727-sonli buyrug‘i ga asosan tashkil etilgan. Fakultet 1973-yildan boshlab faoliyat yuritgan bо‘lib, uning shakllanishi va rivojlanishida birinchi rahbari — dekan, dotsent Sh.A. Muxamedov muhim va samarali hissa qо‘shgan.
Mustaqillik yillarida fakultet faoliyatida sezilarli islohotlar amalga oshirildi. 1991–2012-yillar davomida 5000 dan ortiq tinglovchi malaka oshirgan.
2012-yilda O‘zbekiston Respublikasi Vazirlar Mahkamasining 2012-yil 26-sentabrdagi 278-son qaroriga muvofiq, fakultet Pedagog kadrlarni qayta tayyorlash va ularning malakasini oshirish tarmoq markazi sifatida qayta tashkil etildi.

Xozirgi kunda Markaz faoliyati quyidagi normativ-huquqiy hujjatlar asosida amalga oshirilmoqda:
“Ta’lim to‘g‘risida”gi Qonun (2020-y.)
Prezident Farmonlari:
PF–4732 – Oliy taʼlim muassasalarining rahbar va pedagog kadrlarini qayta tayyorlash va malakasini oshirish tizimini yanada takomillashtirish chora-tadbirlari toʻgʻrisida

PF–5789 – Oliy taʼlim muassasalari rahbar va pedagog kadrlarining uzluksiz malakasini oshirish tizimini joriy etish toʻgʻrisida
PF–5847 – Oʻzbekiston Respublikasi oliy taʼlim tizimini 2030-yilgacha rivojlantirish konsepsiyasini tasdiqlash toʻgʻrisida
PF–60 – 2022 — 2026-yillarga moʻljallangan Yangi Oʻzbekistonning taraqqiyot strategiyasi toʻgʻrisida
PF–14 – Ijro etuvchi hokimiyat organlari faoliyatini samarali tashkil etish to‘g‘risida

Vazirlar Mahkamasi qarorlari:

797-son (2019-y.) – Oliy taʼlim muassasalari rahbar va pedagog kadrlarining malakasini oshirish tizimini yanada takomillashtirish boʻyicha qoʻshimcha chora-tadbirlar toʻgʻrisida
415-son (2024-y.) – Oliy taʼlim tashkilotlari rahbar va pedagog kadrlarini qayta tayyorlash va malakasini oshirish tizimini samarali tashkil qilish chora-tadbirlari toʻgʻrisida

Vazirlik buyrug‘i:

479-son (2020-y.) – Pedagog kadrlarni qayta tayyorlash va malakasini oshirish kurslari faoliyatini yo‘lga qo‘yish

Markaz Ustavi

Asosiy maqsad:
Pedagog kadrlarning kasbiy salohiyatini oshirish, ularni zamonaviy ta’lim talablari va soha innovatsiyalariga moslashtirish, ilmiy-pedagogik kompetensiyalarni rivojlantirish hamda o‘quv jarayoniga ilg‘or uslublar va samarali pedagogik texnologiyalarni joriy etish.

MARKAZNING O‘RNI, FUNKSIYALARI VA AFZALLIKLARI

Markaz respublika miqyosida to‘qimachilik, yengil sanoat va matbaa yo‘nalishlarida faoliyat yurituvchi pedagog kadrlarni qayta tayyorlash va ularning malakasini oshirish bo‘yicha ixtisoslashgan tarmoq markazlardan biri hisoblanadi

Asosiy funksiyalar:

tegishli mutaxassisliklar bo‘yicha pedagoglarni qayta tayyorlash va malakasini oshirish
• zamonaviy pedagogik, innovatsion va AKT texnologiyalarini o‘qitishga joriy etish
• o‘quv reja va dasturlarni ishlab chiqish va muntazam takomillashtirish
• o‘quv jarayoni uchun metodik, ilmiy va axborot-resurs bazasini shakllantirish
• masofaviy ta’lim, onlayn platformalar va mustaqil o‘quv faoliyatini qo‘llab-quvvatlash
• ishlab chiqarish, korxonalar va texnologik markazlar bilan hamkorlikni tashkil etish

Markaz afzalliklari:

tajribali va malakali professor-o‘qituvchilar tarkibi
• amaliyotga yo‘naltirilgan, zamonaviy talablarga mos o‘quv jarayoni
• soha bo‘yicha jihozlangan o‘quv laboratoriyalari va texnik baza
• yetakchi korxonalar bilan tizimli hamkorlik va o‘quv-amaliy integratsiya
• uzluksiz malaka oshirish va kasbiy rivojlanish imkoniyatlari

O‘QUV JARAYONI VA DASTURLAR

Malaka oshirish kurslari :

Matbaa va qadoqlash muhandisligi
Yengil sanoat muhandisligi (to‘qimachilik mahsulotlari texnologiyasi)
Yengil sanoat muhandisligi (yengil sanoat mahsulotlari texnologiyasi)

Kasbiy qayta tayyorlash kurslari :

Mehnat muhofazasi va texnik xavfsizlik
Ekologiya va atrof-muhit muhofazasi
Mexanika muhandisligi

Tarmoq markazi soha ehtiyojlari, normativ-huquqiy talablar va ta’lim tizimidagi rivojlanishlardan kelib chiqib, qo‘shimcha qayta tayyorlash yo‘nalishlarini joriy etish hamda mavjud kurslarni kengaytirish vakolatiga ega.

Ta’lim jarayonining asosiy shakllari:

Ma’ruza mashg‘ulotlari
Amaliy va seminar mashg‘ulotlari
Ko‘chma mashg‘ulotlar va ishlab chiqarish amaliyoti
Master-klaslar va tajriba almashish darslari
Masofaviy ta’lim (onlayn platformalar)
Mustaqil ta’lim, loyiha va bitiruv ishlari

Zamonaviy ta’lim yondashuvlari:

Innovatsion ta’lim texnologiyalari: interaktiv metodlar, simulyatsiyalar, infografik darslar
Ishlab chiqarish bilan integratsiya: yetakchi korxonalarda o‘quv–amaliy jarayonlar
Mentorlik tizimi: tajribali professor-o‘qituvchilar bilan individual ishlash

HAMKORLIK, INNOVATSIYALAR VA RIVOJLANISH

Hamkorlik:

Markaz to‘qimachilik, yengil sanoat, va matbaa sohalaridagi yetakchi korxonalar, ilmiy-tadqiqot institutlari xamda o‘quv, qayta tayyorlash va malaka oshirish markazlar bilan hamkorlik qilib, o‘quv jarayonining amaliy yo‘naltirilganligini ta’minlaydi.

Innovatsion faoliyat:

Zamonaviy pedagogik texnologiyalar joriy etilishi
AKT asosida masofaviy ta’limni rivojlantirish
Raqamli ta’lim platformalari va elektron resurslardan keng foydalanish
Yangi texnika va texnologiyalarni o‘quv jarayoniga tatbiq etish
Modulli va kompetensiyaga asoslangan o‘quv dasturlarini joriy etish

Rivojlanish yo‘nalishlari:

Soha talablariga mos yangi ta’lim dasturlarini ishlab chiqish
Xalqaro tajribani integratsiya qilish va malaka oshirish jarayoniga tatbiq etish
Ta’lim jarayonining raqamlashtirilishini kengaytirish
Ishlab chiqarish bilan uzviy amaliy integratsiyani kuchaytirish