Oʻzbekiston Respublikasi Prezidenti Shavkat Mirziyoyevning Oliy Majlis va Oʻzbekiston xalqiga Murojaatnomasi mazmun-mohiyati Toshkent to‘qimachilik va yengil sanoat instituti akademik litseyida targ’ib qilindi.

5-yanvar kuni mazkur targ’ibot tadbiri o‘qituvchilar uchun ma’rifiy seminar shaklida tashkil etildi. Seminar davomida Murojaatnomada belgilangan mamlakat taraqqiyotining ustuvor yo‘nalishlari, ta’lim sohasidagi islohotlar, pedagog kadrlarni qo‘llab-quvvatlash hamda yoshlar bilan ishlashda zamonaviy yondashuvlar keng muhokama qilindi. Shuningdek, ochiq muloqot jarayonida Murojaatnoma g‘oyalarini ta’lim-tarbiya jarayoniga tatbiq etish masalalari yuzasidan fikr almashildi.

Mazkur seminar pedagoglarning kasbiy salohiyatini oshirish hamda ta’lim sohasidagi zamonaviy islohotlarga mos faoliyat yuritishda muhim ahamiyat kasb etdi.