Toshkent to‘qimachilik va yengil sanoat institutida tahsil olayotgan talabalarni bandligini ta’minlash borasida izchil ishlar amalga oshirilmoqda.

Jumladan, 1-aprel kuni Sanoat texnologiyalari va mexanika fakulteti bitiruvchi talabalari uchun ish bilan ta’minlashga bag‘ishlangan seminar tashkil etildi.

Unda talabalarga osonish.uz platformasi orqali ish izlash, to‘g‘ri ma’lumotnoma (rezume) to‘ldirish bo‘yicha seminar-trening va workshop o‘tkazildi. Mashg‘ulot davomida platformadan samarali foydalanish, ish qidirishda e’tibor berilishi lozim bo‘lgan jihatlar yuzasidan batafsil tushuntirishlar berildi.

Shuningdek, talabalar o‘zlarini qiziqtirgan savollarga atroflicha javob oldilar. Seminar davomida “Kelajakka qadam” loyihasi doirasida bitiruvchi talaba-yoshlarga yaratilayotgan imkoniyatlar haqida ham atroflicha ma’lumot berildi.