Toshkent to‘qimachilik va yengil sanoat instituti akademik litseyida ham O‘zbekiston Respublikasi Qurolli Kuchlari tashkil etilganining 34 yilligi hamda 14-yanvar — Vatan himoyachilari kuni munosabati bilan bir qator ma’naviy-ma’rifiy tadbirlar o‘tkazib kelinmoqda.

13-yanvar kuni akademik litseyda 14-yanvar — Vatan himoyachilari kuniga bag‘ishlangan ma’naviy-ma’rifiy tadbir tashkil etildi.

Tadbirda O‘zbekiston Milliy universiteti Harbiy tayyorgarlik markazi kursantlari hamda Toshkent shahrida joylashgan 81109-son harbiy qismning shaxsiy tarkibi ishtirok etdilar.

Mazkur tadbir yoshlar orasida vatanparvarlik tuyg‘ularini mustahkamlash, harbiy xizmatning sharafi va mas’uliyatini keng targ‘ib etuvchi sahna ko’rinishlar namoyish etilib, O‘zbekiston Respublikasi Qurolli Kuchlarining bugungi kundagi jangovar tayyorgarligi, moddiy-texnik bazasi hamda zamonaviy qurol-aslahalari to’g’risida o’quvchilarga ma’lumotlar berildi.