"O‘qituvchi va murabbiylar kuni"ga bag‘ishlangan “Ehtiromdasiz hamisha” nomli bayram tadbiri bo‘lib o‘tdi
Tantanaga sanoqli daqiqalar qoldi!
Ustoz va murabbiylar birin-ketin tashrif buyurishmoqda. Ularni esa tabrik so‘zlari, dil izhorlari va iliq tilaklar bilan kutib olmoqdamiz.
Shodlik ko’zlarda seziladi, quvonch yuzlarda seziladi…
Tabassumingizni ko’rib biz juda baxtiyormiz, aziz ustoz!
Hurmatli Davron Abdujalolovich, tantanaga xush keldingiz!
Fursatdan foydalangan holda esa, yuqorida tilga olingan aziz sana bilan barchangizni samimiy muborakbod etaman!
Barchangizga mustahkam salomatlik, kasbiy o‘sish va barqarorlik tilayman!
Hamisha shogirdlaringiz ardog‘ida bo‘ling!
Bayram muborak bo‘lsin!
Davron Vaxabov, TTYSI rektori
Samimiy dil so‘zlaridan so‘ng bayram ochiq, deb eʼlon qilindi. Muhtaram va muhtarama ustozlarga minnatdorchilik bildirildi, rag‘batlar izhor qilindi.
Ustoz va murabbiylarni tabriklash uchun talabalar ham so‘zga chiqishdi:
Ustozjonlar, siz borsiz biz kamolotga yetamiz. Har bir o‘gitingiz, har bir sabohingiz hamisha qulog‘imizda yangraydi. Barchangiz biz uchun doim sog‘ va salomat bo‘ling. Bayramingiz muborak bo‘lsin.
Norboboyeva Dilso‘z
Dil izhorlaridan so’ng ustozlarga “Oliy taʼlim aʼlochisi” ko‘krak nishonlari taqdim etildi.
Tikuv buyumlari texnologiyasi va raqamli injinering kafedrasi mudiri Rasulova Mastura Kabilovna - Oliy ta’lim a’lochisi.
Mexanika muhandisligi kafedrasi professori Shin Illorion Georgiyevich - Oliy ta’lim a’lochisi.
Kimyo va matba muhandisligi kafedrasi professori Bulanov Abdulmumin Kirgʻizboyevich - Oliy ta’lim a’lochisi.
Inson mehnati bilan qadrli, inson mehnati bilan ulug‘dir.
Fan va yosh avlod vakillari tarbiyasiga umrini baxshida etgan yubilyar ustozlarga tabrik bildirildi:
- Oliy matematika va kompyuter grafikasi kafedrasi professori MAMATOV ALISHER ZUNUNOVICH;
- Materialshunoslik va standartlashtirish kafedrasi professori MIRPULAT QULMETOV;
- Ipak va yigirish texnologiyasi kafedrasi professori MATISMOILOV SAYFULLA LULASHBOYEVICH;
- Mexanika muhandisligi kafedrasi professori SHIN ILLORION GEORGIYEVICH.
Tadbirning badiiy qismi ham boshlandi.
El suygan san’atkorlar, sohir ovoz xonandalar va O’zbekistonda xizmat ko’rsatgan artistlar ustozlarimizning alqov kuni uchun kuylashmoqdalar.
Tantananing ochilish marosimida rektor Davron Vaxabov so‘zga chiqdi va tadbir qatnashchilarini – mehnat faxriylari, oliy ta’lim a’lochilari va barcha professor-o‘qituvchilarni kasb bayramlari bilan qutladi.
Shuningdek, institutda sidqidildan mehnat qilib, kelajak avlodni vatanga sodiq va yetuk kadr qilib tarbiyalayotgan ustozlarga, xususan “Oliy ta’lim a’lochisi” ko‘krak nishoniga ega bo‘lganlarga tashakkurnomalar va esdalik sovg‘alar topshirildi hamda fan faxriylariga 70 va 80 yillik yubileylari munosabati bilan to‘n kiydirildi.
Bayramga taklif etilgan har bir o‘qituvchiga ehtirom ko‘rsatildi.
Xalqimizning “Ustoz otadek ulug‘!” va “Ustoz otangdan ulug‘!” deb aytishida ham juda ko‘p ma'nolar bor. Zero, bu ulug‘ hikmatlar elning necha ming elagidan o‘tgan…
Biz ham bugun ustozlarni uslug’ladik, ularni alqadik, shod ayladik.
Ustozga haqiqiy bahoni uning shogirdlari beradi, shunday emasmi? Baland-baland minbarlardan turib nutq qiladigan, yoki baland kursini egallagan muallim qanchalik nufuzga ega bo‘lmasin, agar shogirdlari mehri va muhabbatini qozonmagan bo‘lsa, bularning bari bir pul!..
Men institutimizda shunday ustozlardan birini taniyman. Ha, u qattiqqo‘l va talabchan. Ammo uning har bitta talabasi ustozlari nima uchun bu feʼlga egaligini – ularning kamoli va maʼrifatini ko‘zlayotganini juda yaxshi biladi.
Hurmatli institutimiz jamoasi, bugun “Tabiiy fanlar” kafedrasi dotsenti Irina Ivanovna Garibyanning shodiyona kuni.
Ijozatingiz bilan, jamoa nomidan ustozga mustahkam salomatlik, fandagi yangi zafarlar va oilaviy totuvlik tilab qolaman.
Irina Ivanovna, tavallud ayyomingiz muborak bo‘lsin!!!
TTYSI matbuot kotibi
Akmaljon Yuldoshev
Parijda “O‘zbek modasi: an’analar va ilhom cho‘qqisi” milliy va zamonaviy liboslar namoyishi o‘tkazildi
Avval xabar berganimizdek, kuni kecha “Milliy fashion show” namoyishi bo’lib o’tdi
“Ayolga ehtirom” haftaligi doirasida
