Oʻzbek milliy kuy qoʻshiqlari, ozarbayjon va hind raqslari bilan anjumanning badiiy qismiga start berildi
Nomi jismiga monand anjuman “Oʻzbekiston — millatlararo totuvlik va diniy bagʻrikenglik yurti” haqiqatdan ham oʻzbek, ozarbayjon, hind, qirgʻiz boshqa koʻplab millatlarning doʻstlik minbariga aylandi.
Millat xususida dalolat beruvchi eng asosiy va eng birlamchi belgi bu — libos. Anjumanda institutimizning chevar qizlari tomonidan modalar namoyishi ham uyushtirildi.
Tomoshabinlar va kelgan mehmonlar eʼtiboriga oʻzbek milliy unsurlari bilan boyitilgan zamonaviy tikuvchilik namunalari taqdim etildi. Ularning aksariyati yurtimizning boy va goʻzal tarix va istiqbolli kelajak trendlarini oʻzida uygʻunlashtirgan.
Tantana doirasida bundan bir-necha kun avval eʼlon qilingan insholar tanlovi gʻoliblari aniqlandi.
“Siz Hindistonni bilasizmi” mavzusida yozilgan insholar tanlovida faxrli 3-oʻringa Asadali Axmedov, 2-oʻringa Hamidaxon Marufova va 1-oʻringa esa Timurbek Qadamboyev munosib koʻrildi.
Ular Hindiston Madaniyat markazining direktori Sitesh Kumar janoblari tomonidan faxriy yorliq hamda esdalik sovgʻalari bilan taqdirlandi.
Hind musiqasi va milliy raqslari har yili boʻlib oʻtadigan xalqaro raqs festivallari va bellashuvlarida peshqadamlik qiladi.
Bu gal anjumanga Hindiston elchixonasi tashabbusi bilan Katak raqqosasi Nikita hamda hind raqqosalari ansambli ham taklif etildi.
Zarb zavqi, nay nolasi va nozik harakatlar kelgan mehmonlarning har biriga estetik zavq bagʻishladi.
Anjuman oʻz nihoyasiga yetdi.
Bir necha soatlar davomida yurtimizda olib borilayotgan oqilona baynalminal siyosatning natijalariga guvoh boʻldik.
Tadbirning har bir ishtirokchisi va mehmoni oʻzining dini, millati va irqidan qatʼi nazar Oʻzbekiston barchamiz uchun bir makon va bir vatan ekanligiga yana bir bor iymon keltirdi.
Parijda “O‘zbek modasi: an’analar va ilhom cho‘qqisi” milliy va zamonaviy liboslar namoyishi o‘tkazildi
Avval xabar berganimizdek, kuni kecha “Milliy fashion show” namoyishi bo’lib o’tdi
“Ayolga ehtirom” haftaligi doirasida
