Toshkent to‘qimachilik va yengil sanoat instituti hamda xorijiy hamkor oliy ta’lim muassasalari bilan amalga oshirilayotgan qo‘shma ta’lim dasturlari bo‘yicha targ‘ibot ishlari izchil davom etmoqda.

Institut vakillari tomonidan bitiruvchi o‘quvchilar bilan joylarda uchrashuvlar tashkil etilib, yoshlarga qo‘shma ta’lim dasturlarining afzalliklari, ta’lim jarayoni, xalqaro diplom olish imkoniyatlari haqida batafsil ma’lumotlar berilmoqda.
Shuningdek, Ikki davlat diplomini qo‘lga kiritish imkoniyati, xalqaro tajriba va zamonaviy bilimlarga ega bo‘lish, chet tillarini chuqur o‘rganish imkoniyati, xorijda ta’lim olish va ishlash istiqbollari tushintirilmoqda.