“O‘ZBEKISTON – BAG‘RIKENG DIYOR” MAVZUSIDA DAVRA SUHBATLARI O‘TKAZILDI
Toshkent to‘qimachilik va yengil sanoat institutida “O‘zbekiston – bag‘rikeng diyor” mavzusida davra suhbatlari tashkil etildi.
Mazkur tadbir yoshlarni vatanparvarlik va bag‘rikenglik ruhida tarbiyalash, turli millat va elatlar o‘rtasida o‘zaro hurmat va totuvlikni mustahkamlash maqsadida o‘tkazildi.
Davra suhbatlarida institutning barcha fakultetlarida tahsil olayotgan talaba-yoshlar faol ishtirok etib, mavzu yuzasidan o‘z fikr va mulohazalarini bildirdilar.
Uchrashuv davomida millatlararo totuvlik, diniy bag‘rikenglik hamda jamiyatda hamjihatlikni ta’minlash masalalari keng muhokama qilindi.
