TTYSIda rejalashtirilgan loyihalar va dasturlar qardosh ekspertlarga juda manzur keldi.

Mavjud moddiy texnik baza hamda ilmiy salohiyat har ikkala tomon uchun ham manfaatli boʻladigan loyihalarga qoʻl urushga zamin yaratdi.

Olib borilgan samarali muzokaralar natijasida qator istiqbolli natijalarga erishildi:

1) TTYSI hamda “TİKA” hamkorligida Turkiyaning toʻqimachilik va yengil sanoat yoʻnalishida taʼlim beradigan oliy taʼlim muassasalari hamda tadqiqot markazlari bilan qoʻshma taʼlim hamda uning zamonaviy dinamikasiga bagʻishlangan ilmiy-amaliy xalqaro anjuman oʻtkazish;

2) “TİKA” hamda uning turk hamkorlari bilan aloqalar ishlab chiqarish jarayoniga koʻchiriladi hamda institut bilan birgalikda mono-markazlar tashkil etish;

3) Toʻqimachilik sohasiga zamonaviy texnologiyalarni integratsiya qilish maqsadida talabalar hamda professor-oʻqituvchilar uchun treninglarni yoʻlga qoʻyish;

4) Institutda yaqin kunlarda yoʻlga qoʻyilajak ishlab chiqarish jarayoni hamda uning savdo-doʻkoni ochilishiga “TİKA”ni hamkorlik uchun jalb etishga kelishib olindi.

“TTYSI juda xayrli ishga qoʻl urgan. Talabalik baxtiga muyassar boʻlolmagan yoshlar, jismoniy va moddiy imkoniyati cheklangan xotin-qizlar uchun markaz ochilishini, u yerda zarur koʻnikma va bilimlarning berilishini TIKA qoʻllab-quvvatlaydi.

Talabalarning kasbiy yoʻnalishlariga boʻlgan qiziqish va tajribalarini oshirish hamda ularni ishlab chiqarish jarayoni bilan yaqindan tanishtirish maqsadida tamal toshi qoʻyilgan ishlab chiqarish jarayoniga biz ham hissa qoʻshishimizdan boshimiz osmonga yetdi. Hali institutingizga koʻp tashrif buyuramiz. Aminmanki hamkorligimiz har ikki tomon uchun ham istiqbolli boʻladi”.

Ali Rıza Tezcan, “TİKA”ning Oʻzbekistondagi vakolatxonasi rahbari.