2024-yil 6-dekabr kuni “Tikuv buyumlari texnologiyasi va raqamli injiniring” kafedrasi tomonidan 2-3-kurs talabalari ishtirokida “Oʻzbekiston Respublikasi Konstitutsiyasi — erkin va farovon hayot kafolati” mavzusida davra suhbati tashkil etildi.

Davra suhbatida Konstitutsiyaning inson huquq va erkinliklarini ta’minlash, davlat suverenitetini mustahkamlash, jamiyatda tinchlik va totuvlikni saqlash hamda hayotimizning barcha sohalarida keng koʻlamli islohotlarni amalga oshirishda muhim huquqiy asos ekanligi yuzasidan atroflicha maʼlumot berildi.

Tadbir talabalarda Konstitutsiya mazmun-mohiyatini chuqurroq anglash va unga hurmat bilan yondashish tuygʻusini shakllantirishga qaratilgan boʻlib, mazmunli munozara va qiziqarli savol-javoblar bilan davom etdi.