Davlatimiz rahbarining Oliy Majlis va O‘zbekiston xalqiga yo‘llagan Murojaatnomasi mazmun-mohiyati Toshkent to‘qimachilik va yengil sanoat instituti o‘qituvchi-professorlari hamda mas’ul rahbar-xodimlari o‘rtasida keng targ‘ib qilindi.

7-yanvar kuni bo’lib o’tgan targ’ibot davomida Murojaatnomada belgilangan mamlakat taraqqiyotining ustuvor yo‘nalishlari, ta’lim va ilm-fan sohasidagi islohotlar, kadrlar tayyorlash sifati hamda mas’uliyatli boshqaruv masalalariga alohida e’tibor qaratildi. Shuningdek, muhokamalar jarayonida belgilangan vazifalarni institut faoliyatiga tatbiq etish yuzasidan fikr va takliflar bildirildi.

Institut birinchi prorektori Baxtiyor Nasimov tomonidan Murojaatnomada belgilab berilgan har bir ustuvor yo‘nalishlar asosida amalga oshirilishi rejalashtirilgan chora-tadbirlar haqida atroflicha ma’lumot berildi. Shuningdek, ushbu vazifalarning institut faoliyatiga tatbiqi, ijro mexanizmlari haqida tushuntirishlar berildi.