“AMIR TEMUR – ADOLAT QILICHI” SPEKTAKLI NAMOYISH ETILDI
Toshkent to‘qimachilik va yengil sanoat institutida buyuk sarkarda va davlat arbobi Amir Temur tavalludining 690-yilligi munosabati bilan ma’naviy-ma’rifiy tadbirlar davom etmoqda.
15-aprel kuni institutning “Kelajak yoshlari” teatr studiyasi jamoasi tomonidan “Amir Temur – adolat qilichi” nomli spektakl namoyish etildi.
Unda, Yoshlar bilan ishlash, ma’naviyat va ma’rifat bo‘limi boshlig‘i Shuxrat Xushvaqtov va fakultet dekanlari, jamoat tashkilotlari rahbarlari ishtirok etdilar.
Sohibqironning hayot yo‘li, davlat boshqaruvidagi adolat tamoyillari, yuksak ma’naviy fazilatlari hamda tarixiy faoliyati badiiy talqinda yoritib bergan spektakl Shoxruxmirzo Mo‘minov rejissorligida sahnalashtirildi.
