Toshkent to‘qimachilik va yengil sanoat institutida tashkil etilgan “Lider qizlar” akademiyasi a’zolari ishtirokida davra suhbati tashkil etildi.

Tadbirda Iqtisodiyot fakulteti dekani Gulasal Madraximova ishtirok etib, talaba-qizlar bilan ochiq muloqot olib bordi.

Uchrashuv davomida liderlik ko‘nikmalarini rivojlantirish, shaxsiy o‘sish, kasbiy maqsadlarni aniq belgilash hamda jamiyatda faol va tashabbuskor bo‘lish masalalari yuzasidan fikr almashildi.

Shuningdek, talaba-qizlarga o‘z ustida ishlash, bilim va ko‘nikmalarni muntazam oshirib borish, kelajakda yetuk mutaxassis va lider sifatida shakllanish bo‘yicha muhim tavsiyalar berildi.