MADANIY MEROS OBYEKTLARIGA SAYOHAT TASHKIL ETILDI
Toshkent to‘qimachilik va yengil sanoat instituti hamda Parij xalqaro moda akademiyasi qo‘shma fakulteti AICP talabalari Samarqand viloyatida joylashgan madaniy meros obyektlari bo‘ylab sayohat uyushtirdilar.
Talabalarning tarixiy-madaniy merosimizga bo‘lgan qiziqishini oshirish, ularning ma’naviy dunyoqarashini boyitish hamda milliy qadriyatlarga hurmat ruhini mustahkamlash maqsadida tashkil etilgan sayohat davomida talabalar Imom Al-Buxoriy majmuasiga tashrif buyurib, ushbu muqaddas maskanning boy tarixi, me’moriy yechimlari va ma’naviy ahamiyati bilan yaqindan tanishdilar.
