Toshkent to‘qimachilik va yengil sanoat instituti To‘qimachilik muhandisligi fakultetida tahsil olayotgan talaba-yoshlar O‘zbekiston Respublikasi Mudofaa vazirligi Toshkent harbiy okrugi tomonidan tashkil etilgan qurol-aslaha va zamonaviy harbiy texnikalar namoyishida ishtirok etdilar.

14-yanvar kuni yoshlar o‘rtasida vatanparvarlik tuyg‘ularini yanada yuksaltirish, harbiy xizmatga bo‘lgan hurmat va qiziqishni oshirish maqsadida tashkil etilgan tadbir davomida talabalar O‘zbekiston Respublikasi Qurolli Kuchlarining bugungi kundagi jangovar tayyorgarligi, moddiy-texnik bazasi hamda zamonaviy qurol-aslahalari bilan yaqindan tanishish imkoniyatiga ega bo‘ldilar.