“TATA SHOES” qoʻshma korxonasida tashkil etilgan Diplom himoyasida, “Oʻzcharmsanoat uyushmasi” rahbariyati, mahalliy korxona rahbarlari, Davlat Attestatsiya Komissiyasi aʼzolari, “CHBKT” kafedrasi professor-oʻqituvchilari, tayanch doktorantlari va bitiruvchi talabalari ishtirok etishdi. Bitiruvchi talabalar oʻz iqtidorlarini namoyish etib, loyihalari bilan barchada ijobiy taassurot qoldirishdi.

Xususan bitiruvchi talaba, Yevropa Ittifoqining Erasmus+ doirasidagi REILEAP loyihasi ishtirokchisi A. Zuxurjonov oʻz olgan bilimlari hamda Gretsiyaning Krit Texnika Universitetida olgan tajribalari asosida diplom loyihasini taqdim etib, tadbir qatnashchilarida katta qiziqish uygʻotdi. Himoyaga chiqqan barcha talabalar diplom loyihalarining oʻziga xos jihatlari bilan komissiya aʼzolari tomonidan aʼlo baholarga loyiq deb topildi.