Bugun “Ishlab chiqarish va qayta ishlashning innovatsion texnologiyalarini rivojlanishi sharoitida ilm-fan va soha korxonalarining integratsiyasi” mavzusidagi respublika ilmiy-amaliy anjumani o‘z ishini yakunladi.  Sho‘ba yig‘ilishlarida soha korxonalaridagi mavjud muammolar va ularning yechimlarini qamrab olgan ma’ruzalar tinglandi. Soha vakillari va yosh olimlar o‘rtasida erishilgan ilm-fan yutuqlari o‘zaro muhokama etilib, tajriba almashildi. Natijada har bir sho‘ba yo‘nalishlari bo‘yicha taklif va tavsiyalar ishlab chiqildi. Shuningdek, anjuman doirasida o‘tkazilgan “Eng yaxshi ilmiy ma’ruza” tanlovi g‘oliblari taqdirlandi.