Bugun Toshkent shahrida Savdo-sanoat palatasi tashabbusi bilan barcha hududlardan tadbirkor ayollarni bir joyda jamlagan “Tadbirkor ayol — qahramon ayol” xotin-qizlar forumi o‘tkazildi.
Tadbirda institutimiz dizayner va chevar qizlari ham faol ishtirok etishdi. O‘zbek milliy urf-odatlari, ularda milliy liboslarning tutgan o‘rni, o‘ziga xos ranglari va naqshin matolariga qiziqishni uyg‘otish maqsadida “Milliy liboslar namoyishi” ham o‘tkazildi. Liboslarning zamonaviy dizayni, undagi milliy ruh va kreativ yondashuv kelgan mehmonlarda katta taassurot uyg‘otdi.
Shuningdek, forum doirasida “Kambag‘allikdan farovonlik sari” dasturiga o‘zi hissasini qo‘shayotgan, ko‘plab ish o‘rinlari yaratayotgan, ijtimoiy himoyaga muhtoj ayollarni kasbga o‘qitgan mamlakatimizning 14 ta hududlaridan kelgan yirik tadbirkor ayollar va fermerlar Savdo-sanoat palatasi, Ijtimoiy himoya milliy agentligi, “Tadbirkor ayol” xalqaro ishbilarmon ayollar uyushmasi rahbariyati tomonidan munosib taqdirlandi.