FAKULTET HAQIDA

Tо‘qimachilik muhandisligi fakulteti (TMF) institutimiz bilan tengdosh bо‘lib, 1932-yilda tashkil topgan. Fakultetning 119 nafar professor-о‘qituvchilari, jumladan, 21 nafar professor, 63 nafar dotsent, 9 nafar katta о‘qituvchi va 26 nafar assistent institut talabalariga samarali ta’lim berib kelishmoqda. Shuningdek, ular tomonidan 15 ta dolzarb mavzu bо‘yicha keng qamrovli ilmiy ishlar olib borilib, natijalari о‘quv jarayoni hamda ishlab chiqarishga tatbiq etilmoqda. Fakultet ilmiy salohiyati 71 % ni tashkil etadi.
2005-2006 о‘quv yilida “Mexanikaviy texnologiya” fakulteti “Muhandislik pedagogika” fakulteti bilan birlashib “Tо‘qimachilik sanoati texnologiyasi” fakulteti, 2024-yildan “Tо‘qimachilik muhandisligi” fakultetiga aylandi.
Fakultetga o‘tgan yillar davomida dotsentlar I.I.Solovyov, M.A.Polikovskiy, F.K. Potapov, L.Y.Efros, S.S.Ibragimov, professor SH.R.Marasulov, dotsent I.T.Abduraximova, akademik H.H.Usmonxoʻjayev, professor M.M. Muxamedov, dotsent V.M. Omarov, dotsent L.A. Amzayev, dotsent Y.P.Redozubova, dotsent A.U.Usmonov, professor E.SH.Alimboyev, professor M.M.Muqimov, dotsent T.B.Murodov, t.f.d., professor A.E.Gulamov, t.f.n., dotsent K.R.Avazov, dotsent H.Y.Rasulovlar rahbarlik qilishgan.
Fakultetda jahon tajribasini oʻrganish va uni oʻquv jarayoniga tatbiq etish, ilmiy-tadqiqot ishlarini takomillashtirish maqsadida xorijiy oʻquv markazlari, jamgʻarmalari bilan xalqaro hamkorlikni kengaytirish va xorijiy sarmoyalarni jalb etish borasida koʻpgina ishlar amalga oshirilmoqda. Jumladan, fakultet Xalqaro Toʻqimachilik Akademiyasi (1995-yil), Xalqaro Ipak Assotsiatsiyasiga (1997-yil) a’zo boʻlib kirdi. Xorijdagi koʻplab oliy oʻquv yurtlari, xususan, Buyuk Britaniyaning Manchester universiteti, Xitoyning Sichuan yengil sanoat va qogʻoz texnologiyasi instituti, Gent universitetining toʻqimachilik Departamenti (Belgiya), Pirey texnologiya instituti (Gretsiya), Ivanovo Davlat toʻqimachilik universiteti (Rossiya), Moskva toʻqimachilik universiteti (Rossiya), Kostroma texnologiya universiteti (Rossiya), Ozarbayjon texnologiya instituti bilan hamkorlik yaxshi yoʻlga qoʻyilgan.

Fakultet “Bozor iqtisodiyoti sharoitida toʻqimachilik oliy ta’limini modernizatsiyalash” – “Modern-teksted” loyihasi boʻyicha TASIS-TEMPUS dasturi grantiga sazovor boʻldi. Ushbu grant NATOning “Tinchlik yо‘lidagi hamkorlik” dasturi doirasida moliyalashtirilgan. Unga koʻra fakultetning qator professor-oʻqituvchilari va talabalari Belgiyaning Gent universitetida va Gretsiyaning Pirey texnologiya institutida tajriba almashib qaytishgan.
Shuningdek, yapon ekspertlari bilan hamkorlikda Yaponiya Hukumatining beg‘araz yordami sifatida oʻquv laboratoriyalari uchun qiymati 4 mln. AQSH dollariga teng jihozlar va uskunalar olish loyihasi boʻyicha koʻpgina ishlar amalga oshirildi. Natijada, Toʻqimachilik materiallarini sertifikatlash Markazi, Ipak texnologiyasi, Toʻqimachilik matolari texnologiyasi, Tabiiy va kimyoviy tolalarni yigirish texnologiyasi, Trikotaj texnologiyasi kafedralari oʻquv laboratoriyalari ta’mirlanib, jahon andozalariga mos zamonaviy asbob-uskunalar bilan jihozlandi.
Fakultet 2001-yilda Respublikadagi Oliy ta’lim muassasalarining 900 dan ortiq fakultetlari oʻrtasida oʻtkazilgan koʻrik-tanlovda faxrli 2-oʻrinni egallagan.

FAKULTET KAFEDRALARI:

Fakultet tarkibida quyidagi kafedralar o‘z faoliyatini olib boradilar:

• Tо‘qimachilik matolari texnologiyasi;
• Ipak va yigirish texnologiyasi;
• Materialshunoslik va standartlashtirish;
• Kimyo va matbaa muhandisligi;

FAKULTET BAKALAVRIYAT TA’LIM YO‘NALISHLARI:

60720700- Yengil sanoat muhandisligi: yigirish texnologiyasi

60720700- Yengil sanoat muhandisligi: ipak texnologiyasi

60720700- Yengil sanoat muhandisligi: to‘quvchilik texnologiyasi

60720700- Yengil sanoat muhandisligi: trikotaj texnologiyasi

60710800- Metrologiya va standartlashtirish

60720300- Materialshunoslik

60710100- Kimyo muhandisligi: materiallarni bo‘yash-pardozlash texnologiyasi

60710300- Matbaa va qadoqlash muhandisligi

FAKULTET MAGISTRATURA MUTAXASSISLIKARI:

70720701- To‘qimachilik mahsulotlari texnologiyasi

70720702- To‘qimachilik sanoati buyumlarini badiiy loyihalash

70710802- Metrologiya, standartlashtirish va sifatni boshqarish

70720301- Materialshunoslik va materiallar texnologiyasi

70710101- Kimyoviy texnologiya

70710301- Matbaa va qadoqlash texnologiyasi