Qadrli ustozlar, talabalar va institutimiz maʼmuriyati xodimlari, barchangizni davlatimiz bayrogʻi qabul qilinganining 33 yillik shodiyonasi bilan muborakbod etaman. Bayrogʻimiz oʻzida butun Oʻzbekiston xalqining asriy orzu-istaklari, gʻayrati va shijoatini, xalqimizga xos mehmondoʻstlikni mujassam etgan. Bugun bayrogʻimiz xalqaro maydonda, jumladan, Oʻzbekiston Respublikasi rasmiy delegatsiyalarining xorijiy mamlakatlarga safarlari chogʻida, xalqaro tashkilotlarda, anjumanlarda, jahon koʻrgazmalarida, sport musobaqalarida mustaqil vatanimizni ifodalamoqda. Uning koʻrki, jozibali ranglari har doimgidek yorugʻ va baxtli kunlarda hilpirab turaversin. Mustaqil yurtning har farzandiga, xususan, institutimiz talabalariga Davlat bayrogʻining shonli kuni yana bir bor muborak boʻlsin! Zotan, uni koʻz qorachigʻidek asrash, barchamizning muqaddas burchimizdir.

Davron Vaxabov, Toshkent toʻqimachilik va yengil sanoat institut rektori