Tadbir “Dolzarb 90 kun” va “Kitobxon yoz – 2025” loyihalari doirasida tashkil etilib, yoshlarda sog‘lom fikrlash, strategik yondashuv va sabr-toqat kabi fazilatlarni shakllantirishga qaratildi.

Ishtirokchilarga shaxmatning kelib chiqish tarixi, dunyo va o‘zbek shaxmatchilarining yutuqlari haqida ma’lumotlar berildi. Shuningdek, kutubxona fondidagi shaxmatga oid adabiyotlardan iborat maxsus ko‘rgazma tashkil etildi.

Intellektual musobaqa davomida talabalar o‘zaro bilim, mantiqiy fikrlash, aniqlik va tezkor qaror qabul qilish qobiliyatlarini namoyish etdilar. G‘olib va faol ishtirokchilar diplom va esdalik sovg‘alari bilan taqdirlandi.

Bunday tadbirlar nafaqat shaxmatga qiziqishni oshiradi, balki ijtimoiy faollik, jamoaviylik va bilimga bo‘lgan chanqoqlikni kuchaytiradi.

Aql ishlatsa yutadi. Shaxmat – bu faqat o‘yin emas, bu hayot maktabi!