Toshkent to'qimachilik va yengil sanoat institutida Italiya dizayni kuni bo’lib o’tdi
2025-yil 28-fevral kuni Toshkent to'qimachilik va yengil sanoat institutida Italiya dizayni kuni katta muvaffaqiyat bilan o'tdi.
2025-yilgi tadbir Italiya dizaynining "Tengsizlik. Yaxshiroq hayot uchun dizayn" shiori ostidagi ulkan yutuqlariga bag'ishlangani bilan alohida ahamiyatga ega. Ushbu ilhomlantiruvchi shior innovatsion yechimlarni izlashni va barqaror rivojlanishni rag'batlantiradi, dizaynning barcha uchun yanada uyg'un va farovon dunyoni yaratishdagi muhim rolini ta'kidlaydi.
Tadbir ishtirokchilariga Toshkent to'qimachilik va yengil sanoat instituti birinchi prorektori Baxtiyor Nasimov, o'quv ishlari bo'yicha prorektor Xalida Kamilova tabrik so'zi bilan murojaat qildilar. Tadbirda Italiyaning O'zbekistondagi elchisi Pyergabriele Papadia de Bottini, arxitektor Saverio Izola, dizaynerlar Antonella Allotto va Chechiliya de Marki ishtirok etdilar.
Italiya dizayni kuni doirasida BELTEPà kompaniyasining dizaynerlik ko'rgazmasi, shuningdek, Toshkent to'qimachilik va yengil sanoat instituti o'qituvchilari va talabalarining ishlaridan iborat ko'rgazma bo’lim o’tdi.
Tadbir tajriba almashish, yangi g'oyalarni izlash uchun qimmatli platformaga aylandi va, shubhasiz, dizayn, ta'lim va madaniyat sohalarida Italiya va O'zbekiston o'rtasidagi hamkorlikni yanada mustahkamlashga sezilarli hissa qo'shadi.
Talabalar uchun 5 mlrd so'mgacha imtiyozli kreditlar ajratiladi
Avstraliyadagi Tekstil instituti vakillari – Turner Kristina Helen va Jones Patricia Anne bilan uchrashuv bo‘lib o‘tdi
"MISS-FAKULTET 2025" tanlovi davom etmoqda
