Taʼlim-ishlab chiqarish integratsiyasini mustahkamlash va chuqurlashtirish hamda “Kasb egasi” dual-taʼlim samaradorligini oshirish maqsadida joriy yilning 15-mart kuni institutimizning Oʻquv ishlari boyicha prorektori X.Kamilova boshchiligida “Virtus trikot” toʻqimachilik aksessuarlari korxonasining rahbariyati bilan uchrashuv boʻlib oʻtdi.

Uchrashuvda qator istiqbolli kelishuvlarga erishildi, jumladan:

• 

korxonada “Korpotativ boshqaruv” kafedrasi filialini ochish va mutaxassislik fanlarining amaliy mashgʻulotlarini kafedra filialida oʻtkazishni tashkil etish;

• 

kafedra filialida soha korxonalariga hamkorlikda menejerlar tayyorlash uchun oʻquv markazini yoʻlga qoʻyish;

• 

talabalar amaliyoti va dual-taʼlim tizimini yoʻlga qoʻyish;

• 

talabalarning bitiruv malaka ishlari himoyasini korxonada oʻtkazish;

• 

dual-taʼlim tizimi asosida tahsil olgan talabalarni korxonada ishda olib qolish masalalari kelishib olindi.