“Ilhom” mukofoti tanlovining institut bosqichi bo‘lib o‘tdi
Toshkent to‘qimachilik va yengil sanoat institutida “Ilhom” mukofoti tanlovining institut bosqichi o‘tkazildi. Tanlovdan ko‘zlangan asosiy maqsad — talaba-yoshlar o‘rtasida shoir va yozuvchilar hayoti hamda ijodini chuqur o‘rganishni targ‘ib qilish, ularning adabiyotga bo‘lgan qiziqishini oshirish va kitobxonlik madaniyatini rivojlantirishdir.
Mazkur jarayon orqali yoshlarda vatanparvarlik, ma’naviy yetuklik va fikrlash doirasini kengaytirishga xizmat qiluvchi adabiy merosga bo‘lgan e’tibor yanada mustahkamlandi.
