Institutimizda ayni damda "To‘maris izdoshlari" targ‘ibotiga qaratilgan hamda  25 noyabr – “Xalqaro Xotin-qizlarga nisbatan zo‘ravonliklarga barham berish kuni” munosabati bilan talaba-qizlar o‘rtasida zo‘ravonlikning har qanday turiga qarshi  ishlarning navbatdagi tadbiri bo‘lib o‘tdi. Yakkasaroy tumanining Xotin-qizlar masalalari bo‘yicha katta inspektorlari, katta leytenant Muhayyo Ismailova va Munira Ravshanovna Jumaboyevalar  bugungi kunda tez-tez uchrayotgan xotin-qizlarga nisbatan zo‘ravonlik turlari, ulardan himoyalanish bo‘yicha “Himoya orderi” yuzasidan tushuntirish ishlarini olib bordilar. Xotin-qizlar Maslahat kengashi tomonidan talaba-qizlarni himoyalashga qaratilgan davlat siyosati hamda institutda amalga oshirilayotgan Xotin-qizlar himoyasiga qaratilgan chora-tadbirlar haqida ma’lumot berildi. Talaba-qizlarning mavzuga oid yo‘llagan savollariga mutaxassislar hayotiy misollar orqali izohlab o‘tdilar.