Toshkent to‘qimachilik va yengil sanoat institutida Kangvon milliy universiteti (Koreya Respublikasi) Global iste’dodlar tarmog‘i markazi bosh direktori Minhi Li bilan uchrashuv bo‘lib o‘tdi.

Uchrashuvda xalqaro hamkorlik bo‘yicha prorektor I.Bulanov hamda xalqaro hamkorlik bo‘limi boshlig‘i V.Lyamkina ishtirok etdi.

24-aprel kuni bo'lib o'tgan uchrashuvda tomonlar ikki tomonlama hamkorlikni mustahkamlash masalalarini muhokama qildilar. Jumladan, talabalar va professor-o‘qituvchilar uchun akademik mobillikni rivojlantirish, shuningdek, professional tajriba almashish masalalariga alohida e’tibor qaratildi.

Shuningdek, xalqaro mehnat bozori uchun talab yuqori bo‘lgan mutaxassislarni tayyorlashga qaratilgan qo‘shma ta’lim dasturini yo‘lga qo‘yish istiqbollari muhokama qilindi.