O‘zbekiston Respublikasi Prezidentining 2025-yil 21-noyabrdagi “O‘zbekiston Respublikasi Konstitutsiyasi kuni bayramiga tayyorgarlik ko‘rish va uni o‘tkazish to‘g‘risida” F-60-son Farmoni ijrosini ta’minlash maqsadida, bir qator ishlar olib borilmoqda.

Jumladan, joriy yil 26-noyabr kuni Toshkent to‘qimachilik va yengil sanoat instituti To‘qimachilik muhandisligi fakultetida professor-o‘qituvchilar va talaba-yoshlar ishtirokida “O‘zbekiston Respublikasining Konstitutsiyasi – erkin va farovon hayot garovi” shiori ostida  “Konstitutsiya – yoshlar kelajagi va farovonlik poydevori” mavzusidagi ma’naviy-ma’rifiy tadbir tashkil etildi.

Tadbirdan ko’zlangan asosiy maqsad – yoshlar ongida konstitutsiyaviy qadriyatlarni chuqur singdirish, ularni yurtimizda amalga oshirilayotgan islohotlarga daxldorlik ruhida tarbiyalash hisoblanadi.

Tadbirda Ijtimoiy fanlar va jismoniy madaniyat kafedrasi katta o‘qituvchisi Rustam Begmatov tomonidan O‘zbekiston Respublikasi Konstitutsiyasining jamiyat hayotidagi o‘rni, unda belgilangan asosiy huquq va erkinliklarning mazmun-mohiyati, shuningdek, konstitutsiyaviy islohotlar natijasida amalga oshirilayotgan o’zgarishlar xususida ma’lumot berildi.

Shuningdek, Konstitutsiyaning davlat va jamiyat boshqaruvi tizimidagi ahamiyati, inson huquqlarini kafolatlashda tutgan o‘rni, yoshlarning huquqiy madaniyatini oshirishga xizmat qiluvchi normativ-huquqiy asoslarga to’xtalib o‘tildi.

Tadbir yakunida talabalar uchun interaktiv savol-javoblar, fikr almashinuvi va muhokamalar tashkil etildi.