“RAHBAR – YOSHLAR UCHRASHUVI” BO‘LIB O‘TDI
O‘zbekiston Liberal-demokratik partiyasi hamda Toshkent to‘qimachilik va yengil sanoat instituti hamkorligida “Rahbar – yoshlar uchrashuvi” tashkil etildi.
“Xalq bilan birga” umumxalq dasturi doirasida o‘tkazilgan uchrashuvda O‘zLiDeP Siyosiy Kengashi Ijroiya qo‘mitasi raisi, O‘zLiDeP fraksiyasi rahbari hamda O‘zbekiston fermerlar kengashi raisi - Aktam Xaitov, O‘zLiDeP Siyosiy Kengashi va Ijroiya qo‘mitasi a’zosi, Yoshlar va ayollar masalalari bo‘yicha rais o‘rinbosari hamda Oliy Majlis Qonunchilik palatasining Korrupsiyaga qarshi kurashish va sud-huquq masalalari qo‘mitasi a’zosi - Gulshana Xudoyarova, O‘zLiDeP Toshkent shahar Kengashi raisi - Ravshan Fazilov hamda institut birinchi prorektori Baxtiyor Nasimov ishtirok etdilar.
Fraksiya a’zolari, professor-o‘qituvchilar va talaba-yoshlar qatnashgan uchrashuv davomida yoshlarga yaratilayotgan keng imkoniyatlar, ularni har tomonlama qo‘llab-quvvatlash bo‘yicha davlat siyosati darajasida amalga oshirilayotgan islohotlar haqida batafsil ma’lumotlar berildi.
Muloqot doirasida institutning faol va iqtidorli talabalariga O‘zLiDeP stipendiyasi va partiyaning esdalik sovg’alarini topshirish marosimi bo’lib o’tdi.
