1–2-iyun kunlari Samarqand shahrida bo‘lib o‘tayotgan “Ta’lim, fan va texnologiya sohasida innovatsion hamkorlik” xalqaro forumi doirasida Toshkent To‘qimachilik va Yengil Sanoat Instituti delegatsiyasi ham faol ishtirok etmoqda.

Forumda O‘zbekiston va Xitoyning turli davlat tashkilotlari, oliy ta’lim muassasalari, ilmiy markazlari hamda xususiy sektor vakillari o‘zaro fikr almashmoqda.

Institutimiz mazkur forumdagi ishtiroki orqali Xitoyning yetakchi universitetlari bilan akademik hamkorlikni yo‘lga qo‘yish, ilmiy almashinuvlar va qo‘shma dasturlarni amalga oshirishni ko‘zlamoqda.

Ushbu tashabbus ta’lim sifati, ilmiy salohiyat va xalqaro aloqalarni mustahkamlashga xizmat qiladi.