Riga Texnika Universitetida Toshkent To‘qimachilik va Yengil Sanoat Instituti (TTYSI) delegatsiyasi tomonidan tashkil etilgan “O‘zbekiston Kuni” katta muvaffaqiyat bilan o‘tkazildi. Tadbir yozgi maktab ishtirokchilari uchun O‘zbekistonning boy madaniyati va an’analari bilan yaqindan tanishish uchun noyob imkoniyat bo‘ldi.

Tadbir davomida mehmonlar O‘zbekiston tarixi, san’ati va milliy taomlariga bag‘ishlangan taqdimotlardan bahramand bo‘ldilar.

Shuningdek, TTYSI delegatsiyasi institut faoliyati, ta’lim dasturlari, ilmiy tadqiqotlari va xalqaro hamkorliklari haqida ham batafsil ma’lumot taqdim etdi. Riga Texnika Universiteti bilan to‘qimachilik muhandisligi, dizayn va texnologiyalar yo‘nalishlarida hamkorlik istiqbollari muhokama qilindi.

“O‘zbekiston Kuni” Latviya va O‘zbekiston o‘rtasidagi madaniy hamda ta’limiy aloqalarni mustahkamlash, tajriba almashish va qo‘shma loyihalarni amalga oshirish uchun yangi imkoniyatlar yaratdi.

Madaniyatni ulashsak – do‘stlik mustahkamlanadi. Birgalikdagi qadamlar esa kelajak sari yo‘l ochadi!