Toshkent to‘qimachilik va yengil sanoat institutiga Beijing Capstone Education Consulting vakillari tashrif buyurishdi: Su Rui - Direktor, Zhang Shi Da - Ta’sischi, Cai Yan Shu - Loyihalar koordinatori va Wang Wen - Savdo bo‘limi rahbari. Uchrashuvda TTESI tomonidan Yoshlar masalalari va ma’naviy-ma’rifiy ishlar bo‘yicha birinchi prorektor B.Nasimov, Xalqaro hamkorlik bo‘yicha prorektor I.Bulanov, Xalqaro hamkorlik bo‘limi boshlig‘i V.Lyamkina ishtirok etdi.

Uchrashuv doirasida Beijing Capstone Education Consulting Xitoyning uchta ta’lim muassasasini taqdim etdi:

Sichuan texnologiya va biznes kolleji (Sichuan Technology and Business College),

Yengil sanoat instituti (Institute of Light Industry Engineering),

Jiangsu Texnika va Texnologiya kolleji (Jiangsu College of Engieering and Technology).

Muzokaralar davomida innovatsion loyihalar sohasidagi hamkorlik, talabalar va professor-o‘qituvchilar akademik almashinuvi, shuningdek, ikki mamlakatda to‘qimachilik sohasini mustahkamlash istiqbollari muhokama qilindi.

Uchrashuvdan so‘ng Xitoy kompaniyasi vakillari uchun institutning zamonaviy laboratoriyalari bo‘ylab ekskursiya tashkil etildi.