Toshkentda O‘zbekiston–Xitoy ikkinchi ta’lim forumi bo‘lib o‘tmoqda
O‘zbekiston davlat jahon tillari universitetida “Yangi avlod kadrlarini tayyorlash: ta’lim, fan va innovatsiyalar orqali O‘zbekiston va Xitoyning barqaror taraqqiyot sari hamkorligi” mavzusida xalqaro forum o‘z ishini davom ettirmoqda.
Ikki kun davom etayotgan mazkur nufuzli tadbirda Toshkent to‘qimachilik va yengil sanoat instituti ham faol ishtirok etmoqda. Forum doirasida institutga biriktirilgan Shayxontohur politexnikumida Xitoy va O‘zbekiston delegatsiyalari ishtirokida “Xitoy–O‘zbekiston yangi energiya vositalari ustaxonasi”ning ochilish marosimi bo‘lib o‘tdi.
Mazkur hamkorlik loyihasi ikki davlat o‘rtasidagi ta’limiy va texnologik aloqalarni yanada mustahkamlash, yoshlar uchun zamonaviy amaliy bilim va ko‘nikmalarni shakllantirishga xizmat qiladi.
