Bugun, 27-dekabr kuni institutimizda O'zbekiston eksportchilar uyushmasi vakillari bilan uchrashuv bo'lib o'tdi. Unda institutimiz nomidan Xalqaro hamkorlik bo'yicha prorektor Ismoiljon Bulanov hamda Eskportchilar uyushmasi raisi Yorqin Malikov hamda O'zbekiston biznesni rivojlantirish uyushmasi raisi Sardor G'afforov ishtirok etdi.

Uchrashuv xorijiy talabalarni jalb qilish masalasi bilan boshlandi va ikki tomonning bu boradagi imkoniyatlari ko'rib chiqildi.

Shundan so'ng xorijdan kelgan talabalarni ish bilan ta'minlash, xususan O'zbekiston mahsulotlarini chet el davlatlariga onlayn tarzda sotuvini amalga oshirish borasi yangi loyihani amalga oshirish borasida so'z bordi.

Shuni alohida ta'kidlab o'tish lozimki, institutimizda ta'lim, kasbga yo'naltirish, ish bilan band qilish borasida yetarlicha ishlar qilingan. Shuningdek, ishlab chiqarish sohasida ham bir qator loyihalar mavjud.

Rejalashtirilgan ishlarning yo'lga qo'yilishi TTYSIning to'laqonli ta'lim klasteriga aylanishiga olib keladi.