Giyohvandlikka qarshi ijodiy kurash!
11-aprel kuni Toshkent to‘qimachilik va yengil sanoat institutida adabiyot yo‘nalishida “Men giyohvandlikka qarshiman!” shiori ostida insholar tanlovining institut bosqichi bo‘lib o‘tdi.
Mazkur tanlov talaba-yoshlar o‘rtasida giyohvandlik, psixotrop va kuchli ta’sir qiluvchi moddalar bilan bog‘liq xatarlar haqida tushunchalarni mustahkamlash, sog‘lom turmush tarzini targ‘ib qilish hamda ularning ijodiy salohiyatini chuqurlashtirish maqsadida tashkil etildi.
Tanlov davomida talabalar giyohvandlikka qarshi kurashish bo‘yicha o‘z qarashlarini badiiy ifoda etib, jamiyatga foydali va ogoh avlod bo‘lish yo‘lida o‘z munosabatlarini bildirdilar.
