Patxullayev Sarvarjon Ubaydulla o‘g‘li
Dekan
Kafedralar: 4
O'qituvchilar: 87
Talabalar: 2000Dekan nomiga murojaat
FAKULTET HAQIDA
Paxtani dastlabki ishlash fakulteti 1932-yilda tashkil topgan. Hozirgi kunda fakultet Sanoat texnologiyalari va mexanika fakulteti (STMF) deb nomlanadi. Fakultet tarkibida “Tolali materiallarni dastlabki ishlash“,“Mexanika muhandisligi“,“Mehnat muhofazasi va ekologiya“,“Avtomatlashtirish va dasturiy injinering” kafedralri faoliyat olib boradi. Fakultetda 2000 nafardan ortiq talabalar tahsil olishmoqda. Ularga fakultetning 87 nafar professor-o‘qituvchilari, jumladan, 16 nafar fan doktori - professor, 41 nafar fan nomzodi - dotsent, 19 nafar katta o‘qituvchi, 11 nafar assistent samarali ta’lim-tarbiya bermoqdalar.
Jamoaning oldiga katta maqsadlar qo‘yilgan bo‘lib, «Kadrlar tayyorlash milliy dasturi»ning ikkinchi-sifat bosqich vazifalarini to‘la amalga oshirish, ya’ni fakultet kafedralarining moddiy-texnika, axborot bazasini mustahkamlash, o‘quv-tarbiya jarayonini yuqori sifatli o‘quv adabiyotlari hamda ilg‘or pedagogik texnologiyalar bilan ta’minlash, akademik litsey, kasb-hunar kollejlari uchun darsliklar, o‘quv qo‘llanmalar yaratish, elektron darsliklar tayyorlash, shu bilan bir qatorda o‘qitish samaradorligini oshirish, institut bitiruvchi talabalarini ish bilan ta’minlash kabi asosiy vazifalar belgilangan.
Ushbu kafedralardagi malakali professor-o‘qituvchilar o‘zlarining bilim va tajribalarini talabalarga o‘rgatish bilan birgalikda o‘z bilimlarini boyitish maqsadida Latviya, Italiya, Rossiya, Janubiy Koreya va boshqa Osiyo hamda Yevropaning nufuzli oliy ta’lim muassasalari bilan hamkorlikda ilmiy izlanishlar olib bormoqda.