“Dolzarb 90 kun” loyihasi doirasida Iqtisodiyot fakulteti tyutorlari hamda “Bunyodkor yoshlar” talabalar qurilish otryadi a’zolari ishtirokida institut hududida bunyodkorlik va obodonlashtirish ishlari izchil davom ettirilmoqda.

Talabalar tashabbusi bilan turli qurilishda yordamchi ishlar, bo‘yoq va bezak ishlari, yashil hududlarni tozalash hamda tartibga keltirish kabi faoliyatlar amalga oshirilmoqda.

Bunday ezgu tashabbuslar nafaqat institut infratuzilmasini yanada chiroyli holatga keltirish, balki yoshlar orasida jamoaviylik, mehnatsevarlik va ijtimoiy mas’uliyat tuyg‘usini kuchaytirishga xizmat qilmoqda.