Erasmus+ Haftaligi 2025 Toshkent to‘qimachilik va yengil sanoat instituti vakillari ishtirokida boshlandi!
2025-yil 5-may kuni Oriental Universityda Erasmus+ Haftaligi 2025 doirasida universitetlar uchun axborot sessiyasi bo‘lib o‘tdi. Ushbu tadbir Oliy ta’lim, fan va innovatsiyalar vazirligi, Erasmus+ milliy ofisi hamda HEREs ekspertlari hamkorligida tashkil etildi.
Tadbirda institutimiz vakillari ham faol ishtirok etdi. Sessiyada Erasmus+ dasturining dolzarb yo‘nalishlari, 2026-yilgi tanlov imkoniyatlari hamda CBHE Strand 1 — ta’limni modernizatsiya qilish komponentlari yuzasidan amaliy tavsiyalar taqdim etildi.
Alohida ta’kidlash joizki, sessiyada institutimiz hamkorligida amalga oshirilayotgan TEX4FUTURE loyihasi taqdimoti katta qiziqish uyg‘otdi. Loyiha vakillari — Dilrabo Tursunova va Dilfuza Maqsudova ta’lim dasturlarini yangilash, sanoat bilan integratsiyani kuchaytirish va barqaror innovatsiyalarni joriy etish bo‘yicha muhim ma’lumotlar bilan o‘rtoqlashdi.
Yangi o‘quv modullari va spin-off tuzilmalarni shakllantirish bo‘yicha rejalar muhokamalarga sabab bo‘ldi hamda boshqa OTM vakillarida katta qiziqish uyg‘otdi.
"Sportchi – yurt himoyachisi!" shiori ostida Rektor kubogi musobaqasi o‘tkazildi
Institutimiz Xitoy va O‘zbekiston oliy ta’lim muassasalari o‘rtasidagi xalqaro forumda faol ishtirok etmoqda
“Talabalar xavfsizligi” kuni doirasida profilaktik tadbir o‘tkazildi
